好朋友

峻峻常跟我說，班上最好的朋友是天天（圖中）和均鴻
我有時會諗，小朋友真係知咩係朋友嘛？
直至剛過去既旅行，我看得出他們真係好好朋友

午餐時候，大家一人一份，
也要你給我一條腸仔，我給你一塊牛扒。

食食下，天天幫峻峻撥頭髮，還說頭髮太長會篤倒眼睛架
於是，天天一邊吃，一邊幫峻峻撥頭髮。

食食下，峻峻問天天，你鐘意均鴻多啲定我呀？
我話，你問埋啲咁尷尬問題架？
但天天想也不用想，就甜甜的回應，我鐘意峻峻多啲 ：)

天天媽咪買左份爆谷比佢，峻峻走埋去，企喺天天前面，
一粒字也不用說，天天拎起一粒爆谷溫柔地放進峻峻口裏

他們只有三歲，但他們的友誼是最純真，
不曾過濾，也不曾污染過。
朋友就是，我沒有作過一句聲，你也會明白我心裏面所想
朋友就是，任何時間也會給你肯定
朋友就是，自己忙著吃，也不忘給你關心

謝謝天天