我想學溜冰~

自從有一日同峻峻經過一個溜冰場, 佢就眼定定咁望住,
然後對住個溜冰場話:" 我想學溜冰AR"..
平時我問佢想學咩, 佢會話冇野想學...
依個係佢有生之年以黎, 第一樣自己話想學0既野.... 

 到最近電視機係咁播奧運會LA>...
佢每一次都睇得好入神, 每一次都會重覆一次"我想學溜冰AR"
0個一刻, 我心諗, 好似有少少認真WOR~~~

到0岩0岩個WEEKEND, 我地諗帶佢睇下人地溜冰LA...
溜冰前, 我話不如我地去反斗城睇下玩具先丫..
峻峻話: 我唔去反斗城, 我要去溜冰AR...
O........ 第一次連最愛0既反斗城都話唔去.... 

 去到溜冰場, 我地望左陣人地溜LA.. 想走之際..
佢0係到喊, 話, 我要入去AR.... 我要溜冰AR...
我地0係0個到糾纏左大約3, 4 個字...
終於敵唔過佢, BABA 終於比錢帶左佢入場...
依次就係峻峻第一次踏上溜冰場喇~~

因為MAMA 唔識, 所以只係BABA 同峻峻入,
我初初都驚, 會唔會佢企0係出面唔敢入, 會唔會半個圈都行唔倒架呢..
冇諗過, 佢第一次著溜冰鞋, 一D 難度都冇, 0係地面上行動係非常自如..
到入左冰場, 佢更加係一D 都唔驚, 超興奮地衝左入去....

一個圈又一個圈...
佢好快就FING 開BABA 對手, 話要自己行...
結果成功行左幾步就跌....
不過佢己經比MAMA 叻喇...
皆因我依個仔真係超好勝.. 佢要做0既野, 就一定要做倒..
行完一個圈, 你讚下佢, 佢就更加自以為事...鬆毛鬆翼...

因為係佢自己提出想玩想學...
所以都份外投入, 份外開心...
就連MAMA 都低估了你對溜冰0既熱愛~~

第一次落溜冰場, 跌下撞下咁完成了六個大圈...
入場費總算沒有白給~~~
還過了一個開心的下午~~

峻峻平時係唔鐘意影相的..
今次佢自己話, MAMA 同我影相丫...
然後舉起一對手, V 晒咁.... 勁開心.....
我每次諗番起, 都會笑AR~~

期待我0既峻峻好快唔駛扶住BABA 可以0係溜冰場上飛馳AR ..~~~

春天的森林

記得峻峻n 班0個時, 番左學冇幾耐, 就收倒通告要做燈籠....
今年k1, 過左中秋, 過左聖誕, 過埋新年, 都冇收倒通告...
諗住今年真係飲得杯落ar.... 因為每一次做依d 野, 我都好覺得好頭痛..
最頭痛係每次都要加埋"親子" & "環保" 元素.....
我見過人地d 作品, 真係好靚好靚... 靚到簡直係父母之間0既鬥爭,
唔似係幼稚園0既比賽....

我好希望... 每一次峻峻都真係可以一齊參與ga~~
亦都希望每一次都不失一點童真....
自問自己手藝真係完成唔倒好靚0既作品......
同峻峻一齊做完, 我問峻峻你鐘唔鐘意我地個吊飾ar?
峻峻一句喜歡, 就交了... hahah~~~

這個我們一起做0既作品, 命名為"春天的森林"...
出年再努力ar hahah!!

傻瓜ALVIN傻語錄@02/24/2014

3歲半0既ALVIN, 越黎越多野講, 好多時諗倒咩就講, 對住我地, 佢會經常爆出好多攪笑野...

[峻峻的時間觀念]

MAMA: 今日星期幾AR?
峻峻: 星期三
MAMA: 咁星期三英文係咩AR?
峻峻: THURSDAY
MAMA: 錯AR, 星期四先係THURSDAY AR...
峻峻: UM.... THREE DAY ~~~~~~

最近BABA 教峻峻睇時鐘, BABA 話望住個短針指咩, 然後再望下個長針指咩...
9:00 PM 0既時候...
峻峻指住個鐘, 好大聲咁話, 而家係9點12 AR....!!!


[峻峻駁咀篇]
Mama: 你可唔可以企好啲呀，你跌落地，啲衫又污糟，係咪你自己洗呀？
峻峻：唔係呀
當我想出聲話咁你企好啲既時候
峻峻：係洗衣機洗嘛，唔係自己洗架
Mama:=.=

[動物篇]
峻峻問BABA: BABA... 香港會唔會有北極熊GA?
BABA: 唔會GA, 北極熊0係北極架嘛...
峻峻: 獅子0係獅子LOR...
峻峻: 老虎0係老虎LOR...
峻峻: 雀仔0係雀仔LOR...

BABA & MAMA: =.=..............................................