馬會130th 同心同步同樂日

之前馬會有個同樂日報名, mama 就揀左4/4兒童節去玩...

mama 同峻峻都係第一次入馬場咋..

其實, mama 平時連馬會都唔鐘意入...

變左同樂日0既馬場, 感覺好好, 好靚.. 好大... 同好開心, ha

多謝馬會送左3張飛比我地玩...

雖然4/4 依日時間只係得1:30 to 6:00...

但我地都好開心喇~

我地好似點二, 點三就到, 初初以為自己好早....

仲諗住怕太早, 唔知去邊到等入場..

點知.... 去到已經超多人喇=.=

感謝主, 又係一個天朗氣清0既一日~~~

i believe i can touch the sky~~~

 好緊張ar, 我地入場lu~~~~

我地一入場.. 本身已第一時間想去拎籌排坐小馬...

點知.... 一入場, 已經派晒籌=.=..

所以... 我地第一個節目... 就係佢....

騎小馬彈彈補數hahaha... 峻峻都彈到飛起咁ga, haha

然後幫馬馬擦毛~~.. 黎遠睇, 仲以為係真ga tim~~~



之後去搵小馬影相, 排隊0個陣... 有人0係後面騎馬~~~ 

2隻馬bb... 勁得意ar~~~

其實峻峻每日都要訓晏覺, 大約1, 2點唔訓, 3點都會訓...

今日為左玩, 竟然撐到6點幾......

不過睇得出.. 你真係好開心~~~

峻峻話d 馬好嗅wor, hahaha

好鐘意彭福公園依棵大樹~~

所以..mama 決定要0係大樹前跟你"飛"一個...

但mama 開始飛唔起你lu~~~~

還是baba 飛得你高.....!!!

我地去搵完馬, 就去番遊戲區玩遊戲...

依個區0既遊戲係關於recycle ga..

適逢峻峻今期學校主是都係recycle... 佢成日都講藍癈紙.. 黃鋁罐.......

佢好認真等姐姐話開始就開始~~

今次依個遊戲真係0岩晒佢... 

要0係一分鐘內... 將桶內0既垃圾分類...

峻峻0岩0岩好地, 將佢地分晒~~

依個遊戲呢就係撈晒d 膠樽出黎..

大人以為依d 遊戲好無聊, 其實小朋友真係好樂在其中...

而且仲好有傳遞環保0既信息tim~~~



大約3點半到, 我地去左睇佢地表演

初初以為有人同馬一齊表演, 原來只有佢地, 不過都好精彩~~~



睇完表演around 4點, 諗住去食個tea... 白生話佢未肚餓wor..

有得玩0既小朋友, 從來都可以唔駛肚餓的...

最後我地妥協玩埋依個, 就去食野

馬會0既小食都比想像中平, 同好味wor~~

從來去玩, 最花時間0既就係排隊...

好似依d 彈彈床, 排隊就更加費時...

所以, 好多家長都好自然地悟出要分工0既依個道理....

依個恐龍彈彈床, baba 應該排左有大半個鐘...

所以我同峻峻入番遊戲區玩左2個遊戲先出番黎...

但baba 排到差唔多尾聲時, 我又交番峻峻比baba...

我又去負責排第2個遊戲...

務求要0係最少時間裏面玩最多0既遊戲... 咁樣先符合經濟原則嘛~~

峻峻話依個sir 滑梯, 好好玩, sir 到佢彈起wor, hahaha

依個就係baba 排恐龍彈彈時, mama 同峻峻去玩0既遊戲...

到baba 排恐龍排到尾聲時, mama 走去排依個..

0個時都5點幾喇, 又排左差唔多接近半個鐘..

好彩mama 去排左先咋, 因為baba 同峻峻過黎0個時, 都截龍喇..

峻峻話依個最好玩, 最刺激...

依個係要小朋友自己排上去最高, sir 番落黎....

玩完彈彈北極熊都差唔多6點lu~~

我地入番遊戲區, 玩多一個遊戲~~~

 峻峻今日真係玩得好開心, 同埋裏面都幾多野玩,幾多節目...

有d 我地都唔夠時間玩tim~~

同埋總括黎講, 職員好多, 大部份都好有禮貌tim...

設施各樣都做得好好ar, 有錢0既馬會攪個活動都係唔同d 0既.. 讚!!

白生都玩到冇晒電, 一上火車就訓著lu~~~

希望第時都有機會參加馬會0既節目la~~~