幸運兒@小一自行

 

一直以黎都覺得自己不是幸運兒.. 沒有抽獎運..

很記得自己小學都是派得唔好的...

所以, 我先好努力為峻峻報多幾間學校INTERVIEW..

目的, 只是唔想入倒寶校...

 

自行交FORM 是BABA 負責去學校交的..

我為免自己過份緊張.. 我都冇問過BABA 拎過張FORM 再睇..

只是BABA 不停的問, 自行幾號AR??

UM... 大約隔2-3天就問一次..

但.. 每次都不會記上心.....=.=...

而我就比佢攪到更加緊張...

 

自行放榜是星期一...

還記得對上一個星期六我己經開始發放榜的夢...

做了一晚的放榜夢, 可惜也夢不到結果...

 

幾經多少天的煎熬, 終於等到自行放榜的一個9點正早上..

原來有D 學校己經很早有結果..

開始見倒FB 上不停有人報喜了...

 

這個時候, BABA 0係公司WHATSAPP問我點CHECK??

我話, 你拎番張單.. 左上有個NUMBER...

BABA: 我搵唔倒張單WOR, 0係邊AR??

MAMA: 應該0係你個袋, 你上次交FORM 後, 冇拎過出黎..

BABA: 冇AR...

MAMA: 咁......

BABA: 可能0係屋企. .

MAMA: 咁你等陣LUNCH 番去睇下LA...

最後, BABA 番左屋企, 但係都搵唔倒.........

0個時, 開始心裏有點不妙...

其實... 我印象冇0係屋企見過的..

我問BABA: 會唔會放左公司?

BABA: 冇AR...

MAMA: 你搵多次你個袋丫..

BABA: 搵左好多次, 冇AR...

正打算放棄, 待放工番屋企再搵時...

BABA WHATSAPP 左個NUMBER 比我...

加一句: "你0岩, 真係0係袋"..

MAMA...........=.=.................................!!!

 

不過依個時間都唔得閒同佢冷笑..

好快咁上番學校網CHECK LA...

唔知點解我心裏面0既NUMBER 係有3有9咁0既,

我好快咁掃一掃.. 好快咁同BABA 講左句.. 冇AR...

 

再望多次BABA 個NUMBER...

再由左上望到右下, 終於最後一個.... 中喇...

 

中六合彩這個心情, 到今天仍然在心裏興奮...

 

這麼幾個月, 面試的失敗, 開始感到傍偟無助的時候..

 

我坦承的跟天父說, 我知道我應該放鬆, 但我還是會緊張...

我知道你總會安排最好的給峻峻, 但我還是會擔憂...

我知道一天的難處一天的當就好了, 但我還是為未來有一點點擔心..
謝謝天父0既應允和體恤.. , 謝謝天父0既大愛...
峻峻曾經說過好想讀基督教的小學, 而你總是每一次都給他應允...

 

剛前2天的崇拜, 牧師說幸運兒,
我地好多時都認定自己不是幸運兒, 有邊個會知, 有邊個會決定你唔係呢??
感謝天父, 讓我再一次當上幸運兒 :)

 

 

 這所學校不是什麼特別名校..
但我們都感到很滿足了...
峻峻知道有學校收都感到很開心,
謝謝曾經陪我緊張過, 加油過的好朋友..
我們可以安心過聖誕, 過新年,
安安心心等待明年, 好好的迎接小一 : )

 

 

 

 

 

 

 

 

 

 

峻峻畢業相@九龍城寨公園

話說6月頭峻峻學校去左迪士尼攪畢業禮...

完左畢業禮, 就可以0係樂園暢玩一日...

然後, 可以拎住件袍0係樂園影相, 之後星期一先還番比學校..

 

但因為樂園當日太熱, 所以我地冇咩點影到相..

趁WEEKEND 有少少好陽光, 就拉左峻峻去影幾張相紀念下~~

 

 

其實天氣開始熱... 我都驚峻峻著住袍會頂唔住..

但0個日峻峻心情大好, 張張相都好開心...

又要嘆一句"時間真係過得好快..."

連埋N 班, 4 年時間轉過眼就過...

轉過眼就畢業了...

峻峻話佢唔想畢業, 因為好驚老師會唔記得佢...

MAMA 都唔想AR.. 唔想你長大得太快...

不過, MAMA 見倒你終於大個心, 心情蠻是感動的..

 

 

人生都好多好多個站...

每一次離開一個站, 我地一定會帶著好多不捨得...

但.. 前面的站也是充滿期待的...

就讓我們帶著依依不捨的感覺去迎接更多...

今日同峻峻影畢業相, 但峻峻每一張都要帶埋隻貓.....

究竟係你畢業, 定係地縛貓畢業呢...

HEHE.. 長大了...

今日公園好好AR, 冇咩人... 我地可以慢慢影~~~~

MAMA 希望你0係黎梗9月0既小學裏面過得快樂....

成績不是最重要...

你的快樂比起什麼都來得重要~~

要記住.. MAMA 一定會撐住你!!!

最後好多謝公園職員幫我同峻峻合照AR~~~

峻峻的小一面試心路歷程

[這是峻峻在家中的第一張照片...]

 

最近, 因為忙於峻峻明年升小一關係,

所以, BLOG 都少了,

其實我己經盡量唔比自己諗太多, 去到今年年頭迫到埋身, 開始要搵學校了...

由一開始對現今小學唔熟識0既我, 變到今日和一些媽咪都可以搭得兩咀了..

 

由8月開始INTERVIEW, 搵學校...等自行

短短幾個月, 己經足夠我們一家壓力爆煲了

 

每年這幾個月都是面幼稚園, 小學面試高峰期...

網上都轉載了很多相關文章...

 

2歲女孩部白: 媽媽, 你還好嗎?

 

看到這個, 的確想哭.........

 

還記得當年峻峻0係WEEK35+ 0既時候就己經走出黎面世..

雖則都算可以出世0既時間...

但心肺始終冇人家的好... 又唔夠重...

所以其他BB 一出黎就可以親近媽媽..

峻峻就要被抱去... 兒科0既氧氣箱...

足足0係醫院住了十天才回家..

我記得那時候...

我和BABA 每天都會等醫院探訪的小小時間..

一直望著你..

還記得... 你在箱子裏沒有衫著..

 口又就插著喉... 手又包著紗布...

雖然不是什麼大事... 但.. 父母的就是會擔心..

 

到我再一次看過這篇文章.. 突然喚醒了....

那時候...

我們只有一個願望, 只希望你身體健康.. 快快樂樂.....

 

 

很想哭... 很生怕自己會變了一隻怪獸...

明明我們應該是你最大的保護, 最大的樹蔭...

好怕突然有一天, 了變了一隻你最害怕的怪獸...

 

 

這一年, 是峻峻第3次參加面試...

13 個月時, 包著尿片, 就走去N 班面試, 那時候, IN 4間, 中4間...

到26 個月時, 剛戒片, 又去面試, 那時間, IN 6間, 中3間...

到今年.. 剛5歲.. 小學面試, 忘了IN 過幾多間, 但一間都唔成功...

 

我最初會不明白, 後黎我回想..

靜靜的, 定定的, 就是你的性格...那時候, N 班的老師也是喜歡你夠乖夠斯文..

今日, 其實你沒有變, 你仍然是一個乖乖的, 定定的小男生..

是媽媽變了, 媽媽突然希望你變得熱情, 變得主動...

變得要對著所有人都可以談笑風生...

 

對不起.. 小寶貝...

如果你再一次發現到媽媽突然走得急了...

你可以再一次告訴我...

也好像之前你所說的"媽媽.. 其實我唔鐘意面試"

 

好記得有一次,

你在面試日撞到同學, 然後開開心心一起去面試..

面試後, 你滿心歡喜跟我說"我覺得依間學校會收我"...

聽到這麼滿意自己的表現, 媽媽也是很喜悅..

 

到了開信的一天, 媽媽心想沒有OFFER, 都有WAITING吧..

我好記得自己看著信, 手在震, 心在震,

我不敢將REJECT 事實轉告峻峻..

的而且確, 實在太殘忍...

峻峻望住我: MAMA, 佢講咩AR?

MAMA: 冇野AR...

(當時, 我應該仍然對著信發呆)

峻峻: MAMA... 你話我知喇, 我冇野架...

MAMA: 冇野AR, 其他信黎GA...

 

0係0個個時候, 我覺得峻峻真係好成熟..

當我接受唔倒結果0既時候, 佢反而想倒過來安慰我..

 

我知道.. 你唔係唔叻...

你真係好叻...

我知道, 小一面試, 唔適合你, 都唔適合我...

就好似興趣班一樣..

有些人, 善於唱歌, 有些人, 善於跳舞..

有些人, 善於面試...

這個年紀, 你應該盡情去玩, 而不是忙於備戰..
你應該去公園, 而不是參加什麼面試....
你應該是時時帶著笑容, 而不是擔心和膽怯...

 

 

最後, 我終於都學懂放開了,

雖然我仍然會擔心, 會緊張..

但我決定將這一切一切都交給天父...

終於.. 我們自行得左了..

我決定放棄剩餘0既面試..

一心一意迎接出年... :)

 

**下一次寫寫自行POST HEHE**