大澳門郊野公園

有一日, 收到教會朋友打黎問, 話教會有旅行AR, 你去唔去AR?

我問, 去邊到旅行AR?
佢話, 大澳門..
我初初都聽得唔清楚, 以為去大澳, 都諗住幾好WOR...
但最後先知原來係大澳門, 依個地方我都冇去過...
但佢地話可以放風箏, 依個0岩晒爸爸..
所以, 我地都參加左~~~

今日, 好似學校旅行咁, 好期待..
其實依篇BLOG 己經係5月1 號HAHA..
我足足遲左1個月打上黎=.=

還記得0個幾日, 日日都落雨, 天文台己經講定0個日有雨....
一起身, 冇陽光, 但總算冇雨, 照去左集合...
點知上到車.... 就開始落...
BABA 話: 都話會落雨架LA...
我沒有回應, 我信上帝會看守我們的~~

一落車, 仲有幾滴雨, 本身都擔心的, 擔心萬一落起雨..
要抱峻峻去邊到走呢..
不過, 原來上帝真係好看顧我地..
依一日, 之後冇一滴雨之餘, 仲出奇地有了陽光~~

百厭仔0係陽光之下玩得勁開心~~~

之前我地買大隻風箏, 因為BABA 諗住可以佐敦谷公園放,

但原來0個到唔得, 咁一直都收埋左,
今日終於可以大派用場LU YEAH

今日一班人一齊唱詩歌, 放風箏, 野餐, SON跑...

5月1日上到山頂, 離開人群, 感覺真係好舒服..

今日教會仲有2個比賽, 一個畫風爭, 我地冇畫到..
仲有一個美食比賽, 我地只係煮左D 好冇味0既雞翼..
最後, 佢地分豬肉地, 分左份獎品比峻峻...
真心好感謝你們這樣愛我們~~~

峻峻跑完比人鬧, 0個時好嬲, 依家望倒覺得你唔開心樣好得意HAHA..
阿媽真變態

好開心玩完一日, 大自然真美好, YEAH

BABA MAMA 的漫畫

有一日, 好無聊地將自己同BABA 0既事用漫畫記錄低..

希望可以用輕鬆手法.. 去表達一下自己0既無奈.. HAHAH

每一次出門口, BABA 都是斯斯然的...

而我每一次都好似思覺失調一樣, 檢查同峻峻出街0既CHECK LIST...
而出面打完一輪仗之後, BABA 依然0係廁所裏面.. 唔知攪緊乜...
每次出街, 我都會同峻峻0係到等.............................

 每一次, BABA 都會話皺著眉認真問我, "你個袋究竟裝咩"...
佢.. 總係覺得, 我帶0既野係多餘的..
永遠要攪到自己一抽二LUNG 咁出街...
而佢.. 總是兩袖清風的說著閒話...

到出到出面...
我永遠覺得自己要化身做叮噹..
BABA 一聲, 峻峻要水... 就要有水..
BABA 一聲, 峻峻流鼻涕... 就要變紙巾..
溫度一跌, 就要變外套....
他永遠不會操勞, 一開口... 就有了....


然後, 當我回家搵鎖匙0既時候...
稍為慢左幾秒...
BABA 就會話....... 其實.. 真係唔明點解你要帶咁多野出街GA...?!!

以上對話, 全屬我們的真人真事... 絕無改編!!!

小情人是這樣的

有日, BABA 湊左峻峻去學野la..
我隨後趕到, 咁學野0個到呢, 要著襪先可以入得0既..
點知0個日唔記得帶襪, 就0係樓下間boutique 買左對襪..
上到去, 同BABA一齊等峻峻落堂..
期間, 我冇同過BABA 講, 我買左對新襪..
因為如果BABA 知道佢就會話SIDE 錢, 話出面等就得LA..
咁0個半個鐘... 我都好順利咁掩過BABA 0既雙目...
或者BABA 冇留意過我對腳, 又或者BABA 根本就唔知我有咩襪...

一直都以為暪天過海0既時候..
峻峻落堂了, 一出黎... 佢就對住我話... "E....... 你著左新襪0既???"

小情人就是這樣是, 連你多一對, 少一對"襪".. 也會瞭如指掌!!



今朝起身, 番工搵衫0既時候... 峻峻都起左身, 佢趴起床到望住我...
我拎起條白色裙, 峻峻話"WA... 依條裙好靚AR..."
MAMA: 真係咩? (0個一刻都好開心, 終於搵衫, 有個男生會比意見, 同會讚美)
我放低, 再拎起件黃色衫, 峻峻話"WA.... 依件都好靚WOR"

小情人就是這樣, 你所選擇的, 都會給你讚美....  !!



有日, 趕住出門口, 同峻峻趕趕著好衫之後..
MAMA: 你攪掂未AR????
峻峻: 攪掂喇...
(然後我諗梗點樣開口, 佢會同我快D 去多個廁所呢, 因為佢次次都話唔駛, 但其實出到去就會急, 所以我每次都要諗方法叫臨出門口去多次)
正當我想開口0既時候.................
峻峻: 我唔去廁所AR............


=.=.........................................
MAMA: 點解你會知我想講咩0既?
峻峻: 因為我見個口郁嘛.


=.=.....................................


小情人就是這樣, 你未開口... 己經知道你想講咩............!!

荔枝角公園

峻峻3歲半喇...
發覺佢要一個好大0既走動空間...
發覺唔可以一家3 口LAY 0係屋企玩下玩具就算...
我地唔想佢對咁多電子野, 又希望佢郁下, 跑下對身體好D...
好多D 都會諗好多地方同佢去下...
但發覺, HK 比小朋友玩0既地方真係唔算多..
如果你地有好介推介, 請介紹比我地AR, HAHA~~

最近, 見倒BLOGGERS 去荔枝角公園...
見倒個遊樂場幾大, 就帶左峻峻去喇...
原來荔枝角公園真係好大AR...
遊樂場都有幾個....
峻峻一見倒 , 就飛左過去LU~~~

峻峻好鐘意依到... 不停跑左幾粒鐘..

不過有個問題係... 3歲半0既峻峻... 唔知點解好似最近變得唔同人分享...
有小朋友過黎, 佢會即刻霸住...
真係要搵方法, 好好灌輸番個概念比佢=.=

玩左陣遊樂場, 我地入去公園行下...
WOW.. 好古色古鄉AR..

E 到就係TBB 成日拍古裝戲0既地方...

今日唔算熱.... 行入依到, 感覺好舒服...

仲有峻峻最鐘意0既魚魚...
佢話下次帶魚糧黎WOR~~

睇黎峻峻都好鐘意依到HA

行左陣, 我地又去左第2個遊樂場~~~

今日, 我地0係依個公園玩左成3個鐘........

唔知點解我同BABA 冇咩跑, 都覺得好累好累...
最後, 番到屋企, 大家都贊成買外賣就算...

而玩左一日0既峻峻, 夜晚訓覺唔駛點TUM 就好快訓著LU