第一次自己訓

03/27/2014
今日學校有份功課，話要跟住圖裏面咁做，做左就可以吸印，就係健康既小朋友，例如要做運動，例如要食魚，有一福圖係畫左個小朋友訓覺，我就同峻峻講，e, 老師話要自己訓wor, 峻峻：但我驚有怪獸wor, 我話，咁點算呀，咁你咪冇得吸印？峻峻：咁我今晚自己訓拉
到左夜晚，我都唔記得左件事，峻峻話，係wor, 我要自己訓wor, 咁我就同佢講左一個故事，就早抖喇
我知道有好多小朋友一早已經可以自己訓，一直以黎，我都冇迫峻峻，因為曾幾何時我都係好驚怪獸，我覺得總有一天，佢都會學懂獨立
到今日，快將三歲七個月，峻峻第一次自己訓，我仲喺隔離房等梗佢會唔會行番過黎，然後我會同佢講一句，咁下次先自己訓拉？到最後，佢真係訓著左，原來係我比較唔習慣，唔習慣訓覺時候沒有峻峻喺身邊><
心裏面還有一種很不捨感覺，原來我小寶貝又好似長大了多一點

原來..小朋友要學習獨立0既同時, 當媽媽的也要學習放手....

峻峻也耕田

之前, 都好想帶峻峻耕下田...
但一係就好遠, 時間又難安排, 最後都依樣野放左一邊..
點知, 屋苑0係2月0既時候, 有廿塊田FOR 居民抽簽,
抽中左, 就可以擁有一塊田玩半年...
因為近... 同唔貴, 所以我地隊左FORM 去抽簽,
好好彩, 又抽中...
BABA 話實抽中LA, 都冇人抽....
我話... 咩AR, 好多人抽GA=.=!!!

峻峻第一次落田, 相當興奮~~~
咁0岩佢學校最近種綠豆,
每日都要觀察生長情況....
所以, 對佢黎講, 都好親切, 好好玩~~~

攪攪陣一陣之後, 峻話好攰AR~~
你終於知道農夫辛勞, 希望你唔好再食剩D 飯喇~~~

我地而家每日放學, 番屋企放低書包,
就會落去淋水喇....
好希望峻峻除左書本以外0既知識..
都可以認識倒大自然......

 佢成日都話要自己淋水, 結果一下將一壼水, 倒晒落同一個位置..
我諗... 依塊田0既種子, 真係要比其他田0既種子, 要更強0既生命力....=.=

雖然未有成果, 但係見倒種子標左葉出黎,
己經有一種喜悅~~~

峻峻的幼稚園

最近有人問我, E... 你小朋友係咪讀某間幼稚園AR??
我話, 係AR~~
佢話, 聽人講麻麻架WOR~~
我話, 係?? 但我覺得幾好WOR, 老師都好好人AR~~
佢話, 老師好LOR~~~ 但教D 野好淺
我話, 係AR... 如果你想要好深0既, 出九龍塘應該會好D~~~

有時候, 都會諗... 當所有父母都要子女贏在起跑線上0既時候...
我為峻峻揀左一個程度唔算好深0既學校係咪大錯呢..?

的而且確, 我揀學校條件同好多媽媽都唔同...
在於我黎講, 老師好唔好對我黎講真係好重要...
如果老師唔好, 點樣令到小朋友有學習興趣呢..??
幼稚園總算係小朋友第一個學習0既地方,
而第一個接觸0既老師, 可算係家人以外跟小朋友最CLOSE 0既人...
我其實真係想像唔倒, 如果老師唔好, 小朋友點樣可以0係學校裏面快樂地生活..??!

峻峻係一個比較被動0既小朋友....
我感謝依間學校0既老師一直以黎冇忘記過給他可以發揮自己0既機會...
亦都好感恩, 峻峻唔駛一星期就可以唔駛喊住番學~~


峻峻學校0既課程的確比好多坊間0既學校唔算深...
我見人地N 班開始學0既PHONICS... 佢K 班先開始學...
我見人地K1開始要寫字, 佢地學校K2先寫....
我見人地學校每日都中英普三言兩語,
佢地可能一星期只有兩日係有普通話同外籍老師0係學校...

係AR, 其實學校教育理念我係一早知的...
學校一早聲明左, K2先會教寫字....
N 同K1 只會著重佢地執筆, 落筆技巧, 畫線...

還好記得, N班INTERVIEW 0個陣, 學校問我點解想小朋友咁早入學...
我話, 係AR.. 我想佢可以學懂自理, 融入群體生活~
老師講左一句, 係AR, 我地要D 小朋友自己著鞋, 自己食雞翼GA...
有時候, 我會見倒峻峻對鞋係左右調轉, 但都會開心0既係, 我會知道係佢自己著0既~~

眼見其他小朋友跑得好快好快0既時候~~
我感恩峻峻會跟我說種子在學校每天長大的情況~~
我感恩峻峻會跟我說魔鬼在曠野試探耶穌0既故事~~