最近有人問我, E... 你小朋友係咪讀某間幼稚園AR??
我話, 係AR~~
佢話, 聽人講麻麻架WOR~~
我話, 係?? 但我覺得幾好WOR, 老師都好好人AR~~
佢話, 老師好LOR~~~ 但教D 野好淺
我話, 係AR... 如果你想要好深0既, 出九龍塘應該會好D~~~
有時候, 都會諗... 當所有父母都要子女贏在起跑線上0既時候...
我為峻峻揀左一個程度唔算好深0既學校係咪大錯呢..?
的而且確, 我揀學校條件同好多媽媽都唔同...
在於我黎講, 老師好唔好對我黎講真係好重要...
如果老師唔好, 點樣令到小朋友有學習興趣呢..??
幼稚園總算係小朋友第一個學習0既地方,
而第一個接觸0既老師, 可算係家人以外跟小朋友最CLOSE 0既人...
我其實真係想像唔倒, 如果老師唔好, 小朋友點樣可以0係學校裏面快樂地生活..??!
峻峻係一個比較被動0既小朋友....
我感謝依間學校0既老師一直以黎冇忘記過給他可以發揮自己0既機會...
亦都好感恩, 峻峻唔駛一星期就可以唔駛喊住番學~~
峻峻學校0既課程的確比好多坊間0既學校唔算深...
我見人地N 班開始學0既PHONICS... 佢K 班先開始學...
我見人地K1開始要寫字, 佢地學校K2先寫....
我見人地學校每日都中英普三言兩語,
佢地可能一星期只有兩日係有普通話同外籍老師0係學校...
係AR, 其實學校教育理念我係一早知的...
學校一早聲明左, K2先會教寫字....
N 同K1 只會著重佢地執筆, 落筆技巧, 畫線...
還好記得, N班INTERVIEW 0個陣, 學校問我點解想小朋友咁早入學...
我話, 係AR.. 我想佢可以學懂自理, 融入群體生活~
老師講左一句, 係AR, 我地要D 小朋友自己著鞋, 自己食雞翼GA...
有時候, 我會見倒峻峻對鞋係左右調轉, 但都會開心0既係, 我會知道係佢自己著0既~~
眼見其他小朋友跑得好快好快0既時候~~
我感恩峻峻會跟我說種子在學校每天長大的情況~~
我感恩峻峻會跟我說魔鬼在曠野試探耶穌0既故事~~
same feeling here.
回覆刪除d人都會問我, 點解要揀間學卷幼稚園咁淺?
我唔係怪獸媽媽.
我target 只係想找一間近屋企的幼稚園(雖然而家呢間都唔算太近, 但都叫同區)
最好唔好坐校車(雖然而家要坐). 唔好太多B6同學. 當然要老c有愛心la!.
我唔需要N班已經寫字, N班已經識哂A-Z, 1-100. 我只係需要佢有個愉快的童年.
唔需要懷疑自己, 支持你呢!!
多謝你AR KAMAN, 睇完你個留言, 有D 眼濕濕0既感覺~~
刪除好似好耐都未試過有人同自己有共鳴, OR 明白自己,
有時候, 我真係會懷疑自己係咪揀錯, 好多謝你支持我~~
我都係同你一樣, 我而家幼稚園唔筫近, 但都叫同區..
我同BABA 可以接送佢番學放學, 唔駛坐校車~~
希望蘋果仔同峻峻都有一個愉快0既童年AR~~ : )
有個博士話, 只要孩子學得開心，成長得開心，心情好，自己會努力學，猛力吸收新知識。相反, 一直在壓力之下長大的孩子，好快"腸胃不適", 吸收不來。
回覆刪除我認為他講得好有道理。
多謝你AR 博師奶, 我成日睇你個BLOG GA, HEHEH~~
刪除有時候真係要閂埋隻耳,唔好理人點講,只有自己只知咩學校啱自己小朋友
回覆刪除係AR, 我會適當時候閂埋隻耳架喇, 希望妹豬都搵倒合適自己學校AR~~
刪除其實學得深唔代表好,最近要係適合小朋友同小朋友開心!難得你唔會跟風一味谷小朋友學嘢,支持你!
回覆刪除其實我有時都會懷疑自己0既決定, 不過依一刻, 我見倒峻峻番學開心, 有時又會同我講鐘意邊個邊個老師, 我己經覺得好欣慰, 地地, 多謝你支持AR : )
刪除多謝你地為我打左支強心針~~ HEHE
作者已經移除這則留言。
回覆刪除好同意你既講法，其實小朋友真係唔須要咁早去學寫字、得個迫字，可能到時重抗拒，我都係選擇左一間課程較淺既幼稚園，我都想佢有個快樂既童年！唔想苦了小孩，又苦了自己呢！
回覆刪除係, 同埋我好同意學校教落筆同執筆先依個概念... 即係我發覺而家好多人未學行先學走, 好可能我地小朋友今日走得未必夠其他人快, 但我相信, 佢起步起得好, 將來0既路都可以走得更好, 我地一齊努力AR..!!!
刪除