峻峻寫真@伯伯WEDDING

 今日係伯伯0既婚禮....
MAMA 前一日就幫峻峻準備好裝束...
BABA 都問MAMA, 佢咪好多恤衫LOR, 做咩仲要買..
MAMA: 咁你哥結婚, 打呔型仔D 嘛....!?!
BABA 應該好慶幸.. 我地生0既唔係女, 不然應該會破產...
因為BABA 而家時常阻止MAMA 再為峻峻添置新衣棠~

原本峻峻著得咁斯文, 都好唔自在..
MAMA話, 今日伯伯結婚, 所以要著型仔GA...

初初佢都免為其難著左出去...
後黎教會D EE 叔叔, 什至樓下看更都問佢做咩咁型仔..
依個時候, 佢就開始沾沾自喜喇..
而且... 仲上晒腦咁認為自己真係好靚仔.. HA

自從佢認定自己係堅型仔後...
我同佢講.. 你記得食野食好D, 唔好整污糟件衫AR...
峻峻: 如果整污糟左, 就唔靚衫著, 就唔型喇...

所以, 今日係峻峻有生以來, 最著重整潔的一天.. HA

講番個WEDDING,
我同峻峻都係第一次去教堂婚禮咋..

MAMA 好鐘意教堂0既婚禮..
好鐘意聽牧師教我地點樣0係基督裏面維繫一段婚姻...

牧師話, 我們0既婚姻唔係靠感覺..
而係要一起包容, 一起忍耐, 才可以走得更遠

媽媽也希望峻峻可以一直在主耶穌愛裏面成長..
長大之後, 好好的愛佢所愛的人

依張好傻瓜, 但媽媽很喜歡

童年回憶

為免峻峻成日都想對子電子產品..
我地諗左好多野同佢玩...
最近, 有2個比較吸引佢0既遊戲竟然都是baba mam 0既童年回憶~~

登登.. 第一個就係"飛行棋"..
佢熱愛情度係每日最少要玩2次...
出街都要帶埋出去, 同唔同0既unlce ee 一齊玩~~

我暫時黎講都覺得幾唔錯..
又可以增進下家人0既感情..
飯後唔再係你睇你電視, 我玩你電腦...
而係被峻峻捉住一齊玩依個..

峻峻係一個"輸唔起" / "好怕輸"0既人..
從依個遊戲裏面, 睇得出, 佢很不服輸, 又不想輸0既性格...
佢試過被人踩, 發脾氣.. 扔開晒d 棋...
試過唔比人踩自己, 試過喊...
總之, 唔贏佢就會唔開心..

所以.. 我覺得依個遊戲特別適合佢...
我叫爸爸唔可以讓佢...
好想佢明白, 每一個遊戲都有佢0既規則...
好想佢明白, 有贏也有輸0既道理...
好想可以改變一下, 佢不要隨便發脾氣0既性格~~

第2個遊戲.. "天下太平"..
依個遊戲好處是一蚊都唔洗, 拎家裏的癈紙, 幾支筆就可以了...
由其而家峻峻開始認字, 就加深佢一下"天下太平"4個字吧.. ha

一d  好簡單好簡單0既小玩意...
原來就最可以吸引每個年代的小朋友....

峻峻話, 好好玩ar...!!!

Uumbrella Revolution

今日... 我想用峻峻0既角度, 去看一看今日香港依個敏感0既話題...

其實.. 一直以黎, 我們沒有同峻峻去討論過...
因為... 我自己都唔知道應該點樣去向一個4歲0既小朋友去解釋電視機上0既畫面..
亦沒有想過峻峻會注意到新聞..

想想自己以前, 十幾歲也不愛看新聞的...
所以, 我沒有想過峻峻會將新聞電視放上心...

有一晚, 同峻峻做"新聞分享"0既功課..

老師講過, 唔想太殘酷, 唔需要太傷感的... 

主要比佢地學習下同其他同學分享感受..

我將份報紙由頭到尾... 由尾到頭.. 來回揭左幾次...

我都搵唔倒有一篇內容係可以比一個4歲小朋友去分享..

我指住一單火燭新聞, 問峻峻, 做依個好唔好AR? 

諗住比佢學習下防火意識都好..

峻峻話: 唔好AR...

佢一手就揭去頭版... 佢話分享依個LA...

其實我一直以黎都冇同峻峻特意解釋過, 

只是, 峻峻有時也會留意到電視新聞..

我問峻峻...咁你覺得佢地0係到做梗咩AR?

峻峻: 打架LOR...

MAMA: 咁你見倒佢地打架, 你覺得點AR?

峻峻: 唔開心.. 我希望香港人唔打架.. 平安咁生活... 

講完之後, 仲要扮情深地擁著我一下...HA~~

MAMA 一直以來都希望你長大後懂得愛人, 願你一直也可以~~

這天, 我們因轉車關係, 來到了旺角...
baba 跟我說: "你係咪想睇下佔中ar?"
一去到佔中0既佔置, 峻峻話: 依到咪電視0個到lor~~~

行左一條街, 我地準備搭小巴回家...
峻峻喊住同baba 講:"我未佔完ar"
我同baba 心諗, 你做咩要佔呢=.=....
我地問佢, "你點解要佔ar?"
佢答唔出, 只係話.."我未佔完ar"

於是, 我地再次折返, 比佢佔多陣...
我開始明白... 點解咁多父母會咁擔心.../
因為有時候... 我地問子女, 子女會堅持, 但係佢地答唔出一個會令父母放心0既答案...

但峻峻...
爸爸媽媽想同你講... 今日或者將來也好...
或者有時, 我地未必會明白你堅持0既立場, 你所定下0既決定..
但你想做0既... 我地一定會支持,
我們覺得危險0既, 我地會在你身邊一直做你0既後盾....
你可以... 走你想走0既路, 也可以隨時回來屬於你0既避難所...

究竟4歲0既你... 點解會要學人佔中呢...
MAMA 到今日... 也不明白....

但看見4歲0既你, 有自己0既堅持, 想法...
看見4歲0既你, 能夠關心社會, 關心政治...
MAMA 也是感到驕傲...

無論將來怎樣也好, 我們也總算表態過, 也盡過一分力吧~

佢話要坐下~~ =.=

願每一個小朋友, 在怎麼的處境, 也能夠展露他們最真摰0既笑容~~

峻峻的生日禮物@ALVIN is 4!!

 今年峻峻的生日... 我們沒特意的開生日會慶祝...
只是一家人在迪士尼跟峻峻愉快一下就好了.... 

沒開生日會的關係... 也沒預期到峻峻會收到這麼多的生日禮物...
說真的.. 每一次禮物都要很貼心的, 每一份峻峻也超喜歡~~~

謝謝愛峻峻0既每一個人, 謝謝你們的心意....

之前約左凱琪ee 交收d 野, 好suprise 地收倒凱琪ee 的生日禮物~~~
sticker book 一本, 還有雪糕coupon~~~
峻峻一番到去就話要拆黎睇喇...

第2份禮物是婆婆送的..
也是峻峻自己在反斗城挑選的...
暑假看過馴龍記, 核核突突0既龍就係峻峻今年最想要0既生日禮物
佢話, 叫做"噴火仔"... haha

之後有man ee & mandy ee 送0既忍者龜...
仲有mandy ee 送0既馴龍記主角, 冇牙仔....
依隻冇牙仔峻峻本身都好想要ga, 但去0個間反斗城冇ar~~
失而復得0既感覺實在太美好~~~

transformers~~~ yeah~~
這是契媽契爺送的...
之後契媽契爺同峻峻影過transformers...
一直都說要送transformers 給峻峻..
依2個真係好靚, 靚到媽媽都唔捨得拆呢~

恐龍書是由姑媽送的...
峻峻最愛睇0既就係恐龍, 佢屋企有幾本喇..
依本書, 佢己經來回睇左好多好多次喇~~

謝謝姑媽, 大姑媽, 麻麻0既利是

謝謝cherie ee 送0既剷泥車lego~~

峻峻試過0係條街到叫我幫佢同剷尼車影相ga=.=

峻峻最鐘意0既lego, 加最鐘意0既忍者龜...
都說朋友的禮物是貼心的, 大家知道峻峻其中一個最愛就是忍者龜...
逢星期六朝都要起身看這套卡通片=.=
這是最貼峻峻心的KIKI EE~~~ HAHA

還有.. 婆婆.. 灰熊ee 的利是~~~

謝謝心心媽咪ar... 峻峻有部電腦, 唔駛再同我爭電腦喇...
仲有本bible 書... 好正, 好有意義呢~~

謝謝ee 送0既大恐龍....
峻峻想要大恐龍好耐架喇... 仲要係有control.... 開心到傻左...
中秋節前生日0既峻峻, 還選了"飛機總動員"燈籠~~~

這是mama 的同事uncle kenny 送的~~
好耐冇見過峻峻, 但還是很錫峻峻啊~

謝謝音ee... 送峻峻最鐘意0既糖... 還有最愛0既angry bird~~

謝謝uncle j, 送給峻峻人生的第一架最潮4驅車~~

謝謝bombom ee~~~... 

峻峻最鐘意救火架喇~~~

到了十月, 還有生日禮物收, 多謝多多ee ar~~!!
又係峻峻最愛0既transformer ar.. 依架可以變車, 變成佢最近新竉, 每天帶出街...

其實峻峻真係幾濫ga... 問佢最鐘意0既係咩..
佢會話transformer, 恐龍, 飛機總動員, 忍者龜, 冇牙仔, angry bird~~
所以上面全部都說峻峻最愛... 是真的...
你們送給峻峻都是佢很喜歡的... 謝謝你們...

我知道... 愛不是理所當然的...
所以真心謝謝你們愛我和峻峻...