學習

有人曾經對我說：峻峻呢係咪好靜架？個個出唒去，但佢就坐埋一邊

又有人好嚴肅地對我說：峻峻頭先係咁跑呀，你真係要留意下！

以前，我會好著意別人既意見，別人既批評

我會即刻跟峻峻訓話一輪，希望佢可以做到人家眼中的好

今次，我只淡淡回應一句就略過了

其實小朋友也會有自己的情緒，也會有感受，也會有想發洩的時候... 小朋友會怕責罵，會怕比較，也會怕不被愛

我們只去看他跑來跑去，但我們不會去了解點解佢要跑來跑去

我們沒有看到是幾個女生們不讓他一起畫公主吧… 

當我每一次想衝動發怒的時候，

我也希望我要提提自己，小時候我也是想父母去了解我，不是誤解我

我會想父母關心我，而不是著眼我造成既錯

我會想我永遠在你眼中都是最棒的孩子，而不是要我學習其他人的模樣

我會想無論我在別人眼中怎樣，你也會永遠肯定我支持我

當你學習怎樣做媽媽眼中的好孩子的時候，

也讓媽媽努力學習做你眼中的好媽媽

媽咪生日飯@八月花-又一城

到了十二月, 就係白媽媽0既媽媽生日喇...
簡簡單單在正日了吃一餐..
婆婆喜歡中式的... 又想特別少少...
所以.. 今次選了又一城的八月花
http://www.openrice.com/en/hongkong/restaurant/kowloon-tong-jasmine/14977

一打開MENU, 見倒今期好興食0既"秋葵"..
雖然出街唔抵食, 但都係想試下AR HAHA...
爽爽的, 口感好好.. HAHA.. 略嫌有D 咸...

依個係芋頭抆鴨煲....
婆婆最鐘意食芋頭...
個汁好好味... 我地撈晒飯黎食AR... 好味...

雜菇炒菜苗... 

今日我地每人ORDER 一碟, 發覺原來大家都愛清清地...

依個係妹妹揀的.. 好似叫大蝦炒奶球..
名字不太記得... 送飯又係好好味AR

我地仲點左一個醬油炒飯...
依個峻峻都食左好多GA...

今次我地冇食BB 豬... 冇食咩拼盤..
全部都係簡簡單單的... 但都好好味AR...
不過婆婆話, 感覺好似海港城的八月居味道比較好~~

最後... 還是要點一個拿破崙...
祝婆婆生日快樂, 身體健康...!!!

食飽飽, 在又一城D 聖誕報置影下相先
今年有馬車呢~~~

白生又... CHOK 王上身了....

親親大自然

今日星期六, MAMA 短週, 但係都晨咁早起身..
因為EE 帶我地去公司攪0既農莊活動..
晨早起來, 親親大自然...
好好彩, 峻峻前一晚早訓, 第2朝七點幾起身己經係好精神..
我地可以醒醒目目出發去~~~

一去到, 農莊哥哥就介紹D 葉, 叫我地都抆D 黎嗅下~~~
峻峻好落力"抆"GA....

然後.. 峻峻第一次.. 抆蘿蔔...

農莊哥哥話, 我地唔抆出黎, 都唔會知道佢幾大條GA....
雖然峻峻抆0個條好細... 但係... 都係一個好好0既體驗AR~~~

估唔倒11月尾0既星期六, 都可以咁熱..
剝下一件, 剝下又一件, 最後剩番件短袖TEE~~
感謝天父, 今天陽光好好AR

我地參觀人地種0既田...
D 人好勁AR, 咩都種倒呢....

 之後, 學習翻鬆塊田....
峻峻真係好落力, 好認真GA...~~~

叫佢影福相, 又擺D 0既POSE

到今日白生最開心0既環節, 就係親手做一個稻草人..
唔好話佢興奮, 白BB 都係第一次做架咋...~~~

做完好有成功感AR...
幾時都話, 真正體驗好過在書本上學習...
今個早上, 真係學識左好多野AR~~

我地12點幾完左, 就同左EE 去LUNCH...
白生食到第5啖飯0既時候, 佢就.... 頂唔順訓著左了...........
番到屋企, 訓到迷迷朧朧見倒BABA..
佢同BABA 講0既第一句說話就係: 好開心AR, BABA....

我冇諗過, 你去耕田都咁開心GA...
你開心, MAMA 覺得晨早起來都好值得AR~~

聖誕巡影2014@樂富XDISNEY

依幾年, 樂富0既聖誕怖置都好靚GA..

今年仲要係DISNEY TIM...
唔駛去到迪士尼樂園, 都可以同DISNEY人物影相, 真係幾好~~

 因為住得都近0既關係, 所以.. 我地係去左幾次, HAHA
第一次, 係食飯前去行一行...
平日晚上時間, 基本上係冇咩人, 入到去, 慢慢影, 可以影過夠...
唯一缺點就係, 佢有D 遊戲, 例如SIR 滑梯, 應該係WEEKEND 先有得玩...

峻峻0既偶像AR~~~

夜晚影唔太夠光, 白MAMA 部相機唔夠勁AR~~
不過夜晚影相又有另一番味道~~

TOY STORY 0既胡敵, 峻峻當然愛~

仲有MICKEY 呢~~

 女仔見倒應該會比較開心, SOHPIA ARRRRRRRR~~~
晚上去, 都係唔駛排隊的...

第2次去, 都係平日晚上, 事關我見人地有得坐反斗車王車...

就諗住帶峻峻再去.. 又諗住平日冇咩人嘛...
點知.. 原來反斗車王車, 要星期六日, 12-9點先出動GA=.=
註: 依個區域0係另一邊GA... 0係味千拉面, 通利琴行門外~~

 

所以星期日, 下午... 我地又再黎到依到喇....

排隊唔算耐, 幾個字都排到, 有衫著, 有車坐, 

chok 王又擺pose 了...

影左2張相先發覺, 件衫調轉左

依架車唔郁得的, 只係for 影下相~~

不過己經一圓男孩夢喇...

開心~~

抱

<<抱>>

好多人都話BB 一出世唔好抱咁多..
因為抱慣左... BB 就會唔抱唔得...
會成日都要人抱...
BB 會倚賴左人.. 會唔識得自己訓, 唔識得獨立..

其實, 有時候, 不太明白, 點解一出世就要訓練小朋友

BB 在媽媽肚子裏面, 住了十個月, 一直每天被一層羊水包住,
每一分每一秒也是聽著媽媽的心跳..
一出世之後, 這層保護膜也離開了..
唯一令到佢地再有安全感的, 就係貼著體溫, 貼著心跳,
在媽媽的懷內繼續依賴這種溫暖..

有人說, 小朋友會習慣左抱..
但其實, 我們都忙了, 小朋友都會好快爭脫自己0既懷抱..
幾個月轉身, 然後學爬... 學企... 再學走...
好快好快, 小朋友也不會再習慣抱.. 

峻峻4歲喇...
今日.. 白MAMA 都唔可以抱佢好耐...
有時佢攰, 我抱一條街就得放下...
大多數, 我和峻峻單獨的時間..
峻峻會說: "MAMA 我好攰, 但我都會自己行GA"
MAMA 的確很欣慰你己經學懂走, 學懂不加重MAMA 的負擔..
說實話.. 如果我力氣再大一點, 我也願意得抱著你多走兩條街..

BABA 力氣多一點,  很多時間, 為了走快一點,
BABA 會抱著峻峻走...
我也會說, 放低他自己走吧..
BABA 說: 我想抱多陣AR, 我就快冇得抱佢架喇...
那一刻... 我也想爭住峻峻多抱一陣..
那一刻... 的確感受得到峻峻又長大了一點了...

可以抱0既時間, 其實轉轉眼就過了...
仔女會依賴你0既時間, 其實也不過很短暫..
我要珍惜... 珍惜和你相處的每一分.. 每一秒...
珍惜還可以擁著你, 還可以給你依賴0既時間..