峻峻行書展@2017

其實以前.. 未有峻出現之前, 都鐘意行書展..

但感覺有點似趁墟, 熱鬧下, 買幾本書扮下有文化...

 

到峻上年左右, 開始帶埋佢去書展,

第一次行HALL3 0既兒童天地,

作為媽媽, 先發現原來係咁多野睇0既...

 

今年, 我地書展開鑼第一日就約朋友仔去喇..

話說前一晚, BABA 仲同我地講佢唔番黎食飯..

我話, 我地都去書展LA...

BABA 話, 下.. 你地唔係一早去咩?

我: 係AR... 但我地可以行到夜晚架..

唔鐘意多人, 唔鐘意行書展0既BABA話: 邊有咁誇張AR? 

話說書展而家真係有好多遊戲試玩...

有棋, 有BOARD GAME, 有VR, 有乒乓波, 有影相, 有LEGO...

依2個小朋友見倒有咩玩, 都走過去...

閒閒地都企十分鐘以上....

如是者, 我地行左幾個鐘, 連3分1都未行倒.....

2個阿媽又精逃細選想搵D 好D 0既中文書, 英文書..

提升一下佢地0既閱讀能力, 及增加佢地0既閱讀興趣...

 

而佢地..................

都只係專注於漫畫=.=

 

今年0既收獲唔算好多, 不過而家做MAMA 0既要學識唔好受咁買野..

有時貪得意買左番去, 冇用0既, 其實都嘥錢嘥力...

 

以下係我同峻峻0既一D 小小推介, HA

[1]南山七小福~3C-B12

[2]白貓黑貓~3B-D09

[3]樂在棋中~3C-A02

[4]BangzoBooks~3B-D18

 

 

 

[1]南山七小福~3C-B12

依個係峻峻推介，事緣南山七小福作者某日去左佢地學校有個講座，

介紹自己嘅書，峻峻番黎已經不停講本書好好笑，

全部人個名都有個“壽“字, eg壽司，壽包，壽星公，壽眉
 

我地黎遠, 峻峻已經大叫"南山七小福"AR..

因為其實我地最近都有0係7仔搵依本書, 但行左好多間都冇..

所以今次黎書展, 佢係我地重點要搵0既野..

 

峻峻第一本話要揀0既就係左邊0個本,

點解出左廿幾期, 云云咁多本裏面, 峻要揀依本呢..

因為峻峻話作者話依本係最好睇0既...HAHAHA

 

我同峻峻睇完之後, 都覺得好得意..

同埋睇番香港作者0既書... 我覺得文字又好, 故事內容又好都感覺更加入心...

佢用D 好得意0既情節去講一D 我地經歷過0既事..

例如係依集係講禽流感...

咁故事內容主要話點解救番火鳳凰, 就可以救番全部雀鳥, 就可以救番全世界...

火鳳凰0係角色, 峻峻一睇倒就笑, 不過唔敢講太多, 驚想睇0既人冇晒驚喜..

 

另外, 有野樣好0既係, 故事裏面有好多成語,

一到睇故事, 一到學埋成語, 我自已覺得係唔錯0既!!!

 

[2]白貓黑貓~3B-D09

下面幾本係白貓黑貓, 我知依本書好多小學生睇..

所以今次都睇下0岩唔0岩峻..

裏面好多有好多系列...

左4本係$100 4 本,

我地揀左2本關於偵探, 1本關於英文, 1本關於科學..

峻峻已經睇左一本喇, 係關於偵探查案0既..

依本同南山一樣, 都有好多成語夾雜...所以我都鐘意HA

另外, 就係佢好多科學野, 例如係靜電丫..

峻峻一睇完就拎把間尺做實現喇....

 

佢另一邊就有$100 FOR 8 本0既漫畫..

我地只係買左一本, 暫時黎講, 係覺得有D 無聊0既....

不過當比佢拎出街悶悶地笑下都好AR!!

 

 

[3]樂在棋中社會企業~3C-A02

話說0係3年前開始接觸依個企業

峻峻一開始玩佢地0既張保仔棋, 一玩就愛上...

到3年後0既今日, 峻峻依然會話, 我想玩張保仔...

 

佢地仲有地鐵棋, 唔單止設計真係好靚...

我覺得最好0既係一到玩一到認識地鐵站名..

我同峻講你玩多D, 下次幫MAMA 買飛都可以快D 喇,

仲有, 佢同時會教埋小朋友搭地鐵0既規則..

玩棋之餘學埋品德 : )

 

不過我好想講0既係, 佢地個攤位就算你唔買野..

只要你肯玩遊戲, 就可以唔駛錢拎走好多禮物...

峻峻同朋友玩左佢地攤位裏面5個小遊戲..

就拎走左2副桌上遊戲棋, 一個FILE, 一本填顏色薄....

 

 

 

就係依副, 藍色0個副峻上年已經開始玩..

細細盒, 佢會帶埋出街...

當阿媽同一班朋友食飯,  又唔比佢落地, 又唔想佢玩電話..

就可以拎出黎同朋友一齊玩,

今日, 峻峻見倒有新版, 即刻要玩遊戲換埋去... : )

 

[4]BangzoBooks~3B-D18

話說我同朋友都搵梗D 英文書...

但書展根本就花多眼亂....

正當我地0係一個攤位睇梗0既時候...

有個讀書同我地講, 依到唔係好平AR...

我0岩0岩行完BangzoBooks 仲平...

 

之後我朋友又撞倒佢朋友wor..

佢朋友又不約而家咁介紹依間..

所以我地就決定係依到重點搜尋...

依到其實有好多book set, 我最想推介0既係佢地有一set莎士比亞20本一set0既套裝

盛惠$100... 我簡直唔相信, 我confirm 左職員2次個價錢...

不過, 我家峻峻係唔會識得欣賞架..

所以, 我決定好唔捨得咁放低...

 

不過, 佢地仲有好多$10 本0既書...

我地就買左以下五本,

另外, lego 依本係$20, 我覺得只係買個人仔都好抵ar hahah

 

書展期間, 街上總好多左睇書..

唔知, 峻峻拎住本書出街睇依個熱潮可唔可以維持到2個月呢.....