[峻峻周圍玩]峻峻也打GOLF@HSBC Hour

 

 之前見倒HSBC Hour 攪0既免費一堂golf course..

我就試下幫峻峻報名,

好開心, 抽中左...

 

其實之前都好想體驗下依種活動...

峻峻都表示好興奮..

今次0既地點係烏溪沙, 白石0個邊..

我地搭馬鐵去到新港城站, 再轉的士入....

第一次去依個地方, 真心覺得有d 遠....

一直覺得打golf 好似拍戲0個d 咁..

去到原來係對住個地盤....

初初係有少少失望, 不過打打下又比開心快樂0既心情掩蓋左.. 

 

 

好快就有人開始教峻峻打喇..

其實知道得一堂, 咁多人, 唔好學倒d 乜..

但比我想像中有heart.. 佢地真係好有心教峻峻..

亦睇得出佢地好熱愛依種活動...

第一次嘗試打golf 0既峻峻都好開心,

雖然好多技巧都掌握得唔好,

但真係一個好好0既體驗...

冇人一出世就識得走路...

冇人一出世就識得打golf...

所有好0既成績都要經過磨練得出來...

送給打唔倒心情好燥0既峻峻, hahha

一個鐘0既免費體驗真係過得好快好快...

臨走之際, 峻峻竟然話, 可唔可以比錢打多個鐘...

見個仔咁有熱誠, 我地做父母0既又點可以推郤呢....

假日黎講, 一條line $100, 租棍$10支..

平日好似$100 for 3 個鐘架..

我覺得又幾抵wor....比我想像中平....

我地話會再黎玩, 話晒都算係一種運動,

好過對住電子產品嘛....

雖然冇咩實際, 玩左2個鐘黎講, 都總算有d 實際丫..

 

講番hsbc hour 0個到一個鐘就完0既,

咁d staff 都執梗野準備走...

佢見倒我地玩咁, 又可能慘不忍賭峻峻玩得咁差...

佢地都不停指點同教導峻峻...

其實我第一次接觸佢地, 但真心覺得佢地幾有heart..

打左2個鐘係時候番屋企la..

職員話35 分好有shuttle bus 去烏溪沙馬鐵站..

咁又幾方便wor...

因為要行番bbq場0個邊搭..

浴途見倒一攤水, 叫左個仔踩落去, 學人影海天一色..

點知原來唔識影, 等我睇番d 教學先... haha