[峻峻放暑假]大樹先生的家

話說同朋友仔約出黎玩,

朋友仔問有冇興趣去大樹先生的家..

其實我地都有GA...

不過之前幾個朋友都話依個地方比較BABY..

未必岩峻峻, 所以我又冇特登帶峻峻去依個地方..

 

咁朋友提議, 我就話好AR..

還掂峻峻都係最緊要有得玩, MAMA 又可以坐0係到傾計.

仲有一個重點係, 大樹先生的家係FOR 0-6歲小朋友架..

咁峻峻唔試就應該冇機會試架喇....

 

大樹先生的家係0係荔枝角D2 PLACE 2期..

荔枝角D2出口, 轉右過條馬路行幾步就係... 又幾方便..

 

商場底層而家有個熊貓館..

趁朋友仔未到, 我地0係到玩左陣..

有得拎熊貓紙樣油顏色, 扮熊貓... 

 

 

 5隻大熊貓...

 

因為我地早到, 所以0係商場到行左陣..

峻峻見倒部夾公仔機...佢話想夾..

MAMA: 依D 機扼人架..

峻峻: 得架, 講LA, 話比我知想要邊隻LA..

 

我見$20 FOR 9 COINS, 每部機2-3 個COINS.. 所以就比左$20 佢試.

然而.. 佢試左第2次就得左喇..

 

MAMA 真心佩服..

亦好想講, 我0係HK 好耐冇見過唔扼人0既來公仔機喇...

 

依個商場都幾多影相位WOR~~

 

終於到喇...

望倒依個粉紅色波波池..

MAMA 都嘩左聲... 又幾靚WOR....

我地今日係星期二下午時段3:30-6:00..

記得大樹先生一開幕0既時候, 好多朋友都話要BOOK 好耐好耐..

冇諗過我地今次咁易BOOK 之餘,

仲有D 包場0既感場, 全個場唔夠10個小朋友...

即刻覺得活動空間大左好多...

真係好少見倒粉紅色0既波波池...

對峻峻黎講, D 波係咩色唔重要, 最重要有得玩...

去過台灣大樹先生0既朋友話依到冇台灣咁大...

感覺係有D 唔同..

我地去0個日人少, 不過職員都幾多..

而且場內, 會有哥哥姐姐陪小朋友玩..

又幾好, 因為我覺得入去行一個圈都有D 攰...

呀, 依到有沙玩, 我幾鐘意依個AR..

未試過0係室內玩沙AR......

朋友話D 沙好幼TIM AR...HAHA

大樹先生其實真係幾BABY 架,

太大小朋友未必覺得好玩..

不過我覺得女仔黎到依到, 應該唔會覺得悶..

好大間BARBIE 屋, 好多BARBIE AR...

 

我自己都覺得好靚AR...

 

其實依個區係FOR 0-24個月0既BB...

我問佢地做咩走左入黎..

佢地話冇所謂架....頭先都有D BB 入左我地0個邊AR...

WKAAKKAKA

MOTHER GARDEN 廚房AR........

不過峻峻掂都冇掂過...

 

依到平日0既價錢係大人要ORDER $120食物或飲品, 唔夠就補差價,

小朋友可以唔叫野食, 但清潔費$59..

之前聽人講依到的野食, 好貴...

UM.. 又真係貴0既, 我地叫左個兒童定食都$118..

想叫雞翼但都要$95 6隻....

野飲都$6x 杯.....

 

不過咁, 我當我同峻峻今日入黎玩$179

咁我見有D PLAYHOUSE 都係百零蚊一大一細, 但冇野食...

咁當加多幾十蚊, 大人有個舒服0既位坐, 又有野食下咁LOR : )

我想講, 峻峻真係有一次走過出黎話冇野玩..

我0係到諗, 或者依到真係太BABY, 未必0岩峻峻...

不過峻峻講完唔夠一分鐘, 又走番入去了...

其實我覺得一個PLAYHOUSE 點樣唔係一重點

重要係有朋友仔一齊有人陪著跑, 陪著跳,

你追我, 我追你, 都是很開心的...

 

佢地0係入面玩足差唔多3小時..

前後加埋食啖野都只係十分鐘...

 

能夠趕得切0係仲係6歲時, 見識一下大樹先生,

我同峻峻都覺得很不錯AR... :)

忘記了講,

今日真係冇咩人, 峻峻長時間包了這個波波池

仲有..長時間包了這個哥哥..

MAMA 十分感謝這個背面掛著熊本熊0既哥哥同峻峻拋左咁耐波..

峻峻走0個時, 成件衫濕晒, 就知佢玩得有幾顛...

而同時, 就知道依位哥哥有幾攰....

 

我其實幾鐘意依類親子餐廳..

因為佢地好好, 好多職員係遊戲區陪住小朋友..

而MAMA 們真係可以坐0係出面好好咁傾下計