我地永遠都唔會扔低對方~~

之前，有人欺騙峻峻話mama走左唔理佢，好彩mama即時現身話比峻峻知，mama係唔會扔低你架！
今日，同峻峻搭地鐵，過閘嗰陣，我同佢講，你過去先，你企喺到唔好走左去呀，當我隨後出閘之後，
峻峻企定定同我講：“白X峻唔會扔低mama架！“
好拉，我地勾手指尾永遠唔會扔低對方：)

發生被騙事件之後... 我開始回想... 原來我早早比左支強心針峻峻....
由唔知幾時開始... 佢己經堅定立場, 知道我一定會0係佢身邊, 唔會扔低佢...
所以.. 好多時候...
我可以第一次帶佢番新教會, 佢就好乖乖咁自己0係兒童部完成整個崇拜~~
我可以單獨帶佢出街, 想去廁所0既時候, 佢會乖乖咁跟住我0既朋友...
我可以比其他父母遲少少接佢放學, 都唔會令佢有旁偟0既感覺...

到今日... 我發覺... 原來我給予佢安全感0既同時...
佢都會大大聲跟我肯定一句, 你都會唔會扔低我~~~

放心LA, 小寶貝...
就算有一天, 你忙著交新朋友, 忙著拍拖, 忙著戀愛, 忙著工作....
MAMA 都係會永永遠遠在你身邊~~~