峻峻&MAMA生日飯@我的3M好朋友

有人話, 離開學校, 上到職場, 就好難識倒真心0既朋友...
人人都會攻心計, 博上位, 你防著我, 我防著你....

好幸運地, 我第一次正式0既文職比我認識倒一班好好0既朋友...
你有冇試過, 朋友之間... 都唔會太過透露自己人工... ?
記得.. 有一年, SUPER 一個個打比我地, 同我地講調整人工, 然後叫我地唔好同其他同事講..
因為驚會有比較.. 會有人唔開心..

轉個頭, 我地就拎左出黎講...
仲要係話, 我加左$341 AR... 咁如此準確...=.=

我好開心地認識倒一班冇機心, 如此純真0既好同事...
其實, 我地依幾個己經前前後後分別離開依間公司6-7 年架喇...
好開心地, 我地冇因為咁要分開, 還成了好朋友... 繼續分享大家的喜與憂...

佢地幾個, 都係每年8月, 就會約我生日飯0既一班好朋友...
唔係每個朋友都會咁有心, 但你地一直對我都好有心....
唔需要好名貴0既盛宴..
每次望倒這燦爛0既笑容就己經好足夠喇~~

謝謝你地買左支吹唔熄0既蠟燭, 換黎0既也係笑不完0既笑容...

這是晴晴...好開心, 朋友們都陸續有小朋友出世.... 可以陪峻峻玩, HHAAA
其實我真係好鐘意小朋友, 也好鐘意小朋友都喜歡我, HA

還記得4年前, 準備生前, 就在荃灣"大窩口"慶祝..
4年後, 我地去佐孰"大窩口"...
感謝.. 我們友誼仍然都在AR!

AR.. 點解係3M.. 因為佢地3個都英文名都係M 字頭的, HAHAHA

峻峻番到屋企又忍唔住要拆禮物喇

謝謝你們送給峻峻近期最愛0既忍者龜同馴龍記, 佢開心到爆AR...!!!!

峻峻4歲的蛋糕

自從上年峻峻3歲, 佢開始識得選擇自己喜好,

我就會問佢, 你想要咩0既蛋糕..
上年我地0係麥當勞開生日會,
可以揀一個大0既, 峻峻從一而終地揀左ANGRY BIRD~~
還記得, 佢一齊拎蛋糕, 打開0個刻, 佢0既開心樣~~

今年... 我地冇開生日會...
但還是想給峻峻一個生日蛋糕...

因為得幾個人, 所以我一直只係想1LBS 就好了..
但靚0既... 吱花0既閒閒地都要2LBS 起..
搵人做... 都要幾百蚊...
最後, 媽媽選定了, 美心的飛機總動員...
誰不知.............................

前2日想落訂0既時候, 發現網頁冇左依個蛋糕..
換黎0既係... 史迪仔=.=
第2日, 再去美心SHOP 到問, 先知真係冇再出依個蛋糕...
2日後要蛋糕0既我.. 簡直欲哭無淚=.=...

諗住FB 搵人整CAKE, 其實都要4百幾蚊, 本身都OK..
但又就唔0岩時間拎...
於是, 我搵番之前睇過0既一間.." FRESHFRESH & TOOMUCH"

佢地有個PROMOTE 12款CAKE , 標準裝都只係$218-238
我唔計佢好唔好食, 吱花蛋糕黎講真係好抵..

其實, 我咁遲先睇番佢, 係因為佢個預訂時間係7-10日...
但我走投無路0既時候.. 我走去WHATSAPP 個店主...
我問佢, 如果想2日要反斗車王蛋糕可以嘛...?
店主隔左陣就CONFIRM 左我OK 喇~~~

[依到冇賣廣告成份,
依篇BLOG 純粹只係感動做MAMA 0既可以搵倒一個蛋糕係個仔一見倒就會笑0既]

今日是峻峻的正日生日...
我地一早就收倒一份好大0既生日禮物,
就係學校老師打黎, 話佢成腳出晒點點... 要我即刻去接番佢...
接到峻峻0個黑, 佢D 紅色己經上晒面...
生日.. 第一個節目.. 竟然係去左醫院...
0係醫院.. 峻峻超攰.. MAMA 崩潰...

好想喊.. 因為... 我只係想我個仔身體健康... 點解要生日都要0係醫院過呢=.=?!

0係醫院成個下晝之後...
還好晚上, 有這個蛋糕令到峻峻開心番....
講真, 真係好靚...
唔算得好好味..
但係一個小朋友見倒會笑0既蛋糕..
依個蛋糕$238, 我真心覺得好抵..
再加上... 店主都好好人AR..!!

MAMA 應承你.. 出年你都會有一個超快樂0既生日..

但你都要應承MAMA, 少一點病痛, 身體要健健康康AR..

4支蠟燭, 我0既小寶貝轉眼間就4歲了~~

依個蛋糕真係好靚, 不過都好多色素, 所以食0既時候.. 我地都刮走晒D CREAM .. HAHA

反斗車王都係峻峻其中一個最愛~

仍然是你快樂, BABA MAMA 也一起快樂~

謝謝灰熊EE & 文達叔叔今晚黎陪峻峻..
多謝你地陪佢玩, 令到佢忘了身上0既不適...

峻峻&MAMA生日飯@KONG'S FAMILY

D BLOG 打到有D 亂, 但有些開心事情還是想記下來...

謝謝朋友們, 0係9月裏面, 謝謝身邊0既好朋友跟我們一起慶祝~
以前生日, 會好怕冇人同自己慶祝GA...
以前, 會好怕冇人鐘意自己...
長大之後... 我會明白到真心0既朋友, 就算你生唔生日, 佢永遠都會0係你身邊支持你..
人老左之後, 會明白到就算你沒有做過害人的事, 有些人也不一定要喜歡你..
朋友對我來說, 還是重要...
但今日只會諗與其去花心思, 費是時去一些唔愛你0既人身上..
我倒不如用這些心思時間去愛那些愛我0既人~

AUG 29 這個晚上, 謝謝好朋友KIKI, 江氏一家為我們9月之星慶祝... HEHEH~~

今日我地去0既地方係... 又一城0既DAN RYAN'S CHIICAGO GRILL
http://www.openrice.com/restaurant/sr2.htm?shopid=574&tc=sr1

一黎到就有好好味0既包& CAKE~~ 食完一個, 己經飽左好多喇~

RIBS & CHIPS~~~~~YUMMY...!!!!

Nachos... 白mama 同峻峻都好鐘意食, ~~~

burger & chips~

Ravioli with tomato sauce

依個峻峻叫的, 叫完又唔食=.=

食到好飽飽之後, 原來kiki ee 仲準備左個cake 比我地ar~~
每一次其他人生日, 峻峻見倒蛋糕搬出黎都會好開心..
佢而家大個喇, 知道係自己生日..
當見倒屬於自己0既蛋糕, 會更加更加開心...

依個cova cake 好好味ar..!!!!

 謝謝江氏一家今日同我地過左一個去開心0既晚上~~
之前, 我地不約而同買左一個今年幾流行0既頭cool..
所以, 我地今晚話一齊帶, 一齊扮young, hahah~~
望番張相, 勁似60年代姊妹花, hahaha

好開心地, 依幾年, 我地都可以同契媽一齊慶祝生日~~~
出年, 又多一個一齊食cake 喇...

謝謝kiki ee 的忍者龜LEGO~~

又係峻峻既最愛之一AR...!!!

白MAMA生日喇@09092014

峻峻生日冇幾耐, 就到MAMA 生日...

我們都是9月0既壽星仔女, 也是硬頸0既處女座, HAHA~~

最近我們搬家, 生日前2日就搬家,

記得零晨12點, 我係0係屋企到執梗一箱箱0既雜物...
到第2朝, 8點幾起, 一開眼第一件事, 又係執執執...
0係十個忙碌0既生日裏面, 沒有特別慶祝,
只係中午抽左個時間去來一個LUNCH BUFFET~~

今次, 我地揀左, 旺角朗豪酒店LUNCH BUFFET AR~~

http://www.openrice.com/restaurant/sr2.htm?shopid=12121&tc=sr1

首先, 我想講, 價錢真係好抵, 今日中秋節第2日, 係紅日...
LUNCH BUFFET大人都係3百幾蚊個, 仲要HSBC 咭有75折, 峻峻唔收錢,
我地一家3 口, 埋單只係$54X....
我覺得今時今日, 依個數去食到BUFFET, 真係好抵, 仲抵過食放題..
最重要係坐得舒服過放題~~~

三百幾蚊0既LUNCH BUFFET 唔算話好多野食..

但我同 BABA 都覺得好抵食AR~~

仲要有生蠔, 我同BABA 今次TOTAL 食左好似AROUND 20隻, HAHA~

壽司我覺得都OK, 唔難食, 我記得有時去BUFFET 食壽司, D 飯好硬的~

仲有峻峻最鐘意0既雪糕~~~ YUMMY~~~~

甜品都好多選擇AR~~~

太多甜品, 都食唔晒~~

我試了這個我最愛0既綠茶味蛋糕~~

還有這個最普通, 也是每次必食0既奶凍, YUMMY~~

依到有個DIY CAKE 0既CORNER FOR 小朋友 DIY CAKE~~~

依個就係峻峻做比我0既生日蛋糕....

多謝我小寶貝~~~

雖然好忙, 雖然沒有特別0既生日活動~~

但說真的, 有你們在我身邊己經很足夠~~~

好精緻0既馬卡龍~~

我想說, 白BABA 是一個很不心思0既人, BUFFET 也只是前2天才去BOOK..
佢話唔會BK 唔倒架WOR~~
SUPRISE... 心意, 我早早沒有期望, 也從不奢望過, 只是簡簡單單就好了...
在BUFFET 時間, BABA 去了廁所...
去左一段時間, 黎遠見佢拎住個小蛋糕..
我好奇怪, 因為BABA 一向不嗜甜的~~
我以為佢也貪玩, 又走去DIY一個CAKE 而己~~

我話: E... 點解你食蛋糕0既..??
當BABA 放低0既時候, 我見倒簡簡單單0既"HAPPY BIRTHDAY"也足夠喜悅了...
係, 當一個 你以為佢乜都唔會做0既人, 只要佢做少少野, 你都會好開心架喇.. HHAA

謝謝BABA 走去小朋友CORNER DIY 這個CAKE~~
謝謝你親手寫的"HAPPY BIRTHDAY"
謝謝你這個小小的驚喜~~

今年有2個獨一無二0既CAKE~
一個是峻峻做的, 一個是BABA 做的~~

在生日裏面, 只要見倒我的小寶貝快樂, 媽媽也都快樂了~~~

橙汁是任飲, 還有每人一杯餐飲~~~
坐得幾舒服, 服務都好好~~
這個價錢, 這個質數, 我地係會再來的~, HAHAH

今年MAMA 的生日, 也是追月夜, 感謝看到很大很大的月光~~~~~~

長鼻子的故事

唔知有幾時開始, 峻峻己經開始會講大話...

有時明明佢做錯0既野, 佢死都唔認...

我試過, 用軟功, 又試過鬧到佢要道歉...

都有試過用故事形式, 希望佢知錯能改..

但唔知點解, 佢真係好硬頸, 有時望住佢死不悔改, 我真心有點無奈...

最近有一次, 佢話要飲水, 我唔得閒理佢..
我同佢講, 電視前面有個樽, 你自己拎黎飲...
點知, 佢特登推跌個樽落地, 同我講, 話見唔倒有樽...
我話, 係咪你推跌落地?
峻峻: 唔係AR...
我話: 你冇推, 個樽點會跌落地?
峻峻: 我冇AR..!!!

佢0個刻0既堅持, 令我都一度以為個樽真係唔係佢推跌....
因為, 我冇諗過, 4歲0既小朋友可以咁堅持自己0既謊言...

之後, 我同佢講... 係咪真係唔係你推跌AR? 峻峻話係..
我話咁好LA< 你話唔係就唔係, 但如果你講大話呢, 你聽日就會突然唔見左一份玩具架喇...
佢都話唔係...
過左陣, 我話.. 你知唔知講大話0既小朋友, 訓醒之後個鼻會變長GA?
我話, 如果你話冇, 又冇講大話呢, 咁第2朝個鼻就唔會變長..
但如果你講大話, 聽朝你個鼻就會變長架喇...
不過, 如果你同MAMA 或者天父道歉, 咁我地都會原諒你, 就可以唔駛變長...


過左陣, 我去廚房整野,
峻峻問: MAMA, 邊到有鏡AR?
我心諗, 無LALA 照咩鏡呢...
之後, 我望一望佢, 佢問我, MAMA , 我個鼻有冇變長AR?
MAMA: 你有講大話咩: 你有講大話就會變長...
峻峻: 如果我同天父講對唔住呢?

MAMA: 咁都可以, 咁天父都會原諒你...

0個次, 係第一次峻峻終於肯主動承認自己0既錯誤..
睇黎, 我都要再買本"木偶奇遇記"比白生睇下..

說真的, 媽媽真的很痛心, 痛心你有錯唔認, 痛心你將大話當作閒事...
媽媽不一定要你長大後怎樣名成利就,
只係希望你有一顆良善0既心, 做每件事, 說每句話, 過得倒人, 也過得倒自己...

親愛0既天父, 願你也會潔淨峻峻0既心, 用你0既話語好好教導他~

SKY100@唔駛錢去玩八月最終回

終於去到唔駛錢去玩八月最女炵回喇~~

你地有冇見倒FB 成日有D 抽獎活動0既~~
CLICK 一 CLICK, LIKE 一LIKE, 就有機會唔駛錢去玩~~

其實每次我抽, 我都會預自己唔中, 但唔試就一定冇..

今次要多謝0既係"LIKE MAGAZINE"...
你地都可以去FB 試下, 碰碰運氣~~

連我依個黑仔王今個月都中左咁多個, 我想聲明, 真係冇"做馬"的, HHAHAH

入番正題, 今次我地第一次去SKY 100 咋~~~

由入飛到上去, 一直會有STAFF 指示~~

依部LIFT, 我同峻峻都搭過, BABA 好似係第一次搭, HAHA

一上到黎就係咁架喇, 反晒光, 影唔倒相的

峻峻比MAMA 叻, 唔怕高的~ 

 如果0個日好天的話, 5, 6 點黎最好, 可以睇埋日落~~
我地今日冇睇喇, 因為早左去, 留唔倒咁耐+要去探契女~~

有本薄仔比小朋友吸印~~
其實仲有D 小朋友活動, 不過我地報唔切名~~

所以, 今日淨係可以影下相...
佢係一個360度0既圓圈...
其中一PART 係.. 3D 區影相~~

 其實0係100樓望落去, 真係幾賞心悅目~~

好多0既位影相都會反光, 一係影唔倒人, 一係影唔倒景~

但其實佢係有影相區, 認住依D 位..
咁就又影倒人,  又影倒景喇~~

YEAH.... 終於影倒晒~~~

我地今日3, 4 點上到去, 唔算多人, 仲要好快地 繞左幾個圈~~~
初初以為可以玩到夜晚, 但其實2-3 個鐘都好夠~~
除非HIGH 埋TEA~~ 

依張相, 我次次睇都覺得好笑, HA

我唔知大人幾錢, 因為我地送左2張成人飛,

但另買一張小朋友飛(過3歲要買飛), 都要百幾蚊~
其實我覺得唔算太多野睇, 同埋消磨0既時間都唔可以太耐...