峻峻的九月一日

自2010 年黎起, 9月1日變成我人生其中一個很特別0既日子~~

人家趕著番學, 白生趕著出世...

這幾年, 一到9月, 我就會開始諗下點同峻峻去慶祝...

每一年, 差不多這幾天, 我都會回憶番生產0既經過~~

預產期明明是10月5日... 產假也未開始放....

8月31日那朝早上, 就穿羊水了,

到今日, 我再諗番起, 仍然覺得好似發夢一樣, 一切都黎得太快..

雖則我講過希望白生同媽媽一樣可以處女座=.=

4年前0既回憶, 依然深深地印在腦裏面..

就好似昨天發生一樣...

再望一望我的小寶貝, 己經百百厭厭地在我身邊了....

今年... 感觸更加大...

事緣契媽預產期係今年9/9...

契媽約左峻峻8/31 慶祝生日, 蛋糕都買埋..

點知8/31, 我地收倒消息, 契媽入院了...

我地下晝去完玩, 知道契媽生左, 就一齊趕埋去醫院...

這是我9/1 的FB STATSU~

今日因為契女出世，所以我們一家三口晚上去左醫院..

啱啱好，4年前這一天，我都係喺同一間醫院裏面，

當時35+, 峻峻足足早左一個月有多黎搵我..

今日，產房門口等待嘅時候，見倒有媽媽同bb一齊轉房，

雖然唔識佢，但都好替佢開心，

我同baba講，好開心呀，好得意呀，媽媽同bb一齊轉房，

(因為當日峻峻要住氧氣箱，所以我係一個人轉房的)

爸爸問，你嗰陣時一個人係咪唔開心呀？

o....一聽倒依個問題，我就喺醫院到喊傻喇

爸爸話，而家峻峻咪訓喺你隔離lor(峻峻當時真係訓梗=.= )

9月1 喇，謝謝4年後今日既小寶貝健健康康咁在我身邊，

媽媽只希望你身體健康，快快樂樂，

爸爸媽媽也許不能每件事情都可以滿足你，

但讓爸爸媽媽的愛永遠充滿你 ：)

我是一個很黏的MAMI.. 我好希望時時刻刻, 峻峻都可以健健康康在我身邊...
生產的那種痛楚, 我今日己經記不起...
我常跟朋友說, 其實生仔都唔係好痛..
朋友會話, 你係咪痛到傻左AR??!

UM.. 真GA, 我真係覺得唔算好痛, 又可能峻峻好錫我, 我好快就生左佢落黎...
陣痛如M 痛0既痛楚, 我受得起...
但當每次想起峻峻早產了, 住在氧氣箱十天....
唔可以一出黎就黏著媽媽..
唔可以一出黎就好似其他BB 咁懂得飲奶...
住在箱裏, 插著喉, 包著紗布... 那種畫面...
我永遠都會記得... 

BABA 說得對, 

今天這個可愛小寶寶就健健康康在我身邊... . 

這4年來, 謝謝這個小寶貝讓我感受著愛~
每個人追求東西都唔同,
有些人喜歡一個人..
有些人要專注事業..
有些人想買車,
有些人想養狗..
有人話我仔最重要...令佢健康快樂成長的而且確係我今日最想追求0既事...

4歲0既峻峻會說
"MAMA, 如果爸爸鬧你, 我幫你鬧番佢AR"
"MAMA, 全世界我最錫你GA"
"MAMA, 我錫晒你, 好好AR??"
"MAMA, 你係咪鐘意0個D 一粒粒(PANDORA), 我比晒D 錢你買丫"

謝謝這位小天使~~~
MAMA也會承諾會一直愛著你..
就好像公公跟媽媽說, "如果你唔開心, 你就番黎, BABA 一直0係到等你"