其實, 花展對白MAMA 黎講係好有意義的..
以前, 細細個, 白MAMA 的BABA 總會帶著我和妹妹去花展影相..
今日, BABA 雖然已經在天國裏面,
但我時常都好感謝你, 在我兒時總帶著我周圍去, 為我好好儲起這些漂亮的回憶...
以前, BABA 帶著我和妹妹去..
今日, 我和妹妹帶著峻峻同媽媽去...
因為婆婆同EE要遲少少先出到黎, 所以白MAMA 決定單拖峻峻入場先..
我一心諗住同佢影多D 靚相嘛..
點知, 星期日天氣太好, 峻峻係咁呻熱, 又問做咩要影相...=.=
0個時, 我心諗.. 點解唔可以笑下比我影下相者...
2母子, 都開始冇咩心機, 一個冇得影, 一個又唔想影...
突然, 峻峻話, "MAMA 我可唔可以用你部相機影相AR??"
我話好LA, 隨即佢就將我相機掛0係頸,
然後心情也180度轉變地變得好好...
好開心地周圍影....
依一篇BLOG 0既所有相... 全部都係出自峻峻0既手下拍攝出黎GA..
佢仲要影到冇晒電TIM~~~
大人好多時侯, 都有自已一套0既標準..
總以為自己為仔女所決定0既... 所撰擇0既都應該係0岩...
我們總忙著安排... 忙著舖排....
有時侯, 都忘了... 小朋友都會有自己0既角度, 高度和思想....
有時侯, 都忘了, 他們都會有自己想表達0既感覺...
有時侯, 都忘了, 他們都會有自己想說的話....
當我一心想你當我的MODEL 的時侯...
我才明白原來你都希望用自己0既角度欣賞花展.....
也領悟到... 原來咁樣, 你會開心咁多....
願MAMA 總會記著... 要慢慢的聽你說你想說的話...
願MAMA 總會記著.. 我要蹲低一點, 用你的高度陪你一起看著這個花花世界...
謝謝你.. 讓我看到.. 原來你的高度看世界... 比大人的可以更靚.....
記得花展時, 你真係好努力地左攝右攝去影相....
然後也很緊張自己的作品如何....
在MAMA 眼中, 你每一張相, 我都覺得好靚...
因為你, MAMA 覺得今年的花展更加靚~~ : )
希望你地都鐘意峻峻眼中0既鴨鴨~~
峻峻眼中的鸚鵡~
這對恩愛的天鵝~
由原本不耐煩0既你, 變到最後係好滿足...
MAMA 都覺得好滿足喇~~~ : )
