峻峻陪MAMA睇0既第一套大人戲@五個小孩的校長

還記得峻峻未出世以前, 白MAMA 好鐘意睇戲..

一個星期至少一套, 最高峰會一日兩套...
西片, 港產片, 卡通片都會睇一餐...

峻峻出世之後, 依種對我黎講咁奢侈0既活動...

我已經戒左喇... 因為我真係好唔捨得放低峻峻, 自己一個人去睇戲..

直至峻峻2歲多, 我又開始入番多戲院..

因為峻峻同MAMA 一樣咁愛睇戲...

佢唔怕黑, 唔怕坐, 唔怕時間耐...

所以.. 依一兩年, 我入戲院睇左好多套卡通片....HA

至於.. 大人0既戲, 我還是等出碟就算喇..

直至... 依一套....."五個小孩的校長"...

唔知點解... 我真係好好好想睇...

見倒電視廣告... 我0係屋企大叫"我好想睇AR"

峻峻話: 我陪你睇LA

MAMA: 但依套唔係卡通片黎GA

峻峻: 我都可以陪你睇GA

MAMA還是擔心地說: 如果你睇睇下覺得悶咁點AR?

峻峻: 我都會繼續睇GA...

就係咁.. 成就了峻峻陪番媽媽0既第一套戲喇

依套戲真係好好睇, 唔講太多劇情了,

感動位... 由頭到尾都感動...

可能自己也是媽媽, 見倒小朋友喊, 我就想喊...

但係... 我點都冇諗過..........

竟然連4歲半0既峻峻都睇到喊...

我要中間同佢抹眼淚TIM...

連峻峻都話好好睇, 話想睇多次...HA

裏面有我最愛0既千嬅... 有一班好專業0既演員..

連小朋友0既戲都好真...

真係好好睇, 未睇0既朋友記得帶備紙巾入場喇...