張保仔探險@長洲一天遊

一直一直都好想帶峻峻去一去離島... 

終於到峻峻差唔多5歲時, 我地先第一次去離島玩..

而峻峻第一次踏進0既離島就係長洲...

依一日, 佢非常期待, 事緣佢最近都沉迷張保仔0既棋....

所以.. 親身去到長洲, 感覺真係份外親切...

張保仔棋裏面其中一張功能牌就係平安包...

峻峻見倒有平安包賣, 真係好開心... 

一落船, 就買手信.... 盛惠一個$18 既平安包磁石...

峻峻鐘意0既情度... 就係... 尋晚訓覺佢係攬住平安包訓0既.....

一到步, 我地往沙灘一邊行... 

有諗過落下沙灘玩下GA, 但實在實在太熱喇...

唔好話落沙, 我地連上面經過, 己經熱到傻....

所以.. 我地好快DULL番上去...

WOW.. 原來而家長洲都有依個LOCK OF LOVE WOR....

我同BABA 講.. D 人都幾識做生意AR... 整個網出黎"LOCK OF LOVE"..

就有咁多人願意比$20 掛一個願望...

其實.. 我同峻峻都想做豬嘜買個鎖GA, 但比BABA REJECT 左.. HAHAH

行到一半, 峻峻己經熱到想發脾氣, 又唔比我地買野, 又唔比我地食野..

淨係話想去張保仔洞... 佢一心以為真係有寶藏的...

其實長洲唔算好大, 但真係好熱AR 尋日, ...

所以.. 最後我地經過單車舖...

決定.............. 租依個......

$30 一個鐘~~

去張保仔洞...租一架單車真係最正確0既選擇... 

因為行去張保仔條路都唔短AR..

去到碼頭, 將架車鎖0係一邊, 就可以出發探險架喇...

中途又可以落車影下相~~ 

影完相, 又上番車...

BABA 話:"你地就舒服LA"

HAHA

乜解究, 今日真係咁熱呢....

WOW.. 好開心AR.. 終於到喇.....

飲少少水, 補充體力, 就準備探險喇...

睇下幾得戚 , 佢期待左好耐架喇.....

峻峻好緊張, 好興奮...

真實0既體驗真係勝過只係揭書, 電腦睇好得多... 

雖然好熱, 行好多路, 但今日真係一個好好0既體驗AR~~

我地可以走出書本, 實實在在用自己0既腳去探險, 

唔駛再LAY 0係冷氣裏面, 都唔駛LAY 0係電子產品裏面....

終於到達張保仔洞喇...

其實峻峻未出世前, 白BABA和白MAMA 都去過, 去到洞前..

BABA 話太窄太迫喇... 都係唔入喇... 我地折返LA~~~

今日到左張保仔洞前, BABA 望一望入面..

然後同幾年前一樣都係講左同一句, 我地折返LA...

但係峻峻今次好堅持, 要入去探險... 非入不可...

我地知道... 依個小朋友雖然只有幾歲, 但有自己0既執著同堅持...

所以... 我地吞吞口水就陪佢闖入去喇...

說實在............. 其實MAMA 我都真係有D 驚... 曾經有諗過不如我0係出面等你地算LA...

但出去都係三人一齊走入去了....

 洞前面有個賣電筒0既伯伯, 叫我地買電筒, 話當請佢飲杯奶茶都好...

我地最後都係比左十蚊買一個電筒, 原來伯伯真係冇扼我地, 

裏面真係好黑, 冇電筒真係望唔倒野, 由其實帶住小朋友...

峻峻一D 都唔驚, 難為MAMA 又熱又驚, 大汗+細汗...

自己又驚, 又驚佢會整親, 心裏面只係得"行完未"3個字.................

不過其實路程都唔算長GA, 幾分鐘就行完, 但真係好黑, 好迫的..

所以都要小心

最後... 我地都成功行過張保仔洞...

講真, MAMA 都覺得好開心AR~~~

因為峻峻, 所以原來冇諗過會做到0既事, 都做到了....

就黎5歲嘅白峻峻，你開始長大喇，

開始有自己想走嘅路，開始有自己嘅堅持，開始急著人生嘅冒險，

baba mama應承你呀，無論你將來想走怎樣嘅路，想往那裏冒險，

我們都必定是你最大的後盾，

所以你絕對可以放心大踏步往前走！

行完張保仔, 我地有咩做, 當然去食香蕉船同紅荳冰LA.... 正AR...!!!!

去完張保仔洞, 峻峻心情好好, 我地又開始食食食喇..

佢竟然變左平安包FANS=.=

我地必要食0既薯塔...

今次仲笑笑口同MAMA 0係LOCK OF LOVE 影相TIM~

 之後食大大粒魚蛋, 其實長洲有好幾間舖買大大粒魚蛋, 

最後我地揀左依間...

十蚊一串, 2大粒, 又真係幾彈牙WOR>..

其實咁熱0既天氣, 我同BABA 都冇咩胃口, 所以原本諗住0係長洲食晚飯, 

我地話不如番出去先食, 但峻峻記得我地講過長洲食晚飯..

所以... 最後, 我地都留低左喇...

最後我地黎左依到, 陪峻峻食個飯~~

我同BABA 就HAPPY HOUR 喇~~~

食完野, 我地要趕大船出番去喇~~~

坐大船, 係為左可以望住個海....

 望住個海真係好舒服, 9個字0既船程都唔覺得耐AR~~

今日0係長洲, 由12點幾玩到5:30...

己經覺得好攰好攰喇..

不過, 今日真係好開心~~

PEOPLE ON BOARD樂在棋中分享會

上星期..KIKI EE 話帶我同峻峻去玩AR..

佢話係一個樂在棋中0既社會企業攪0既分享會..

會介紹一D 桌上遊戲, 應該會0岩峻峻玩..

講到玩, 我同峻峻最不違餘力架喇.. HAHAH...

我地3個最早到GA...

一去到, 見倒佢地己經SET 好左有張枱, 上面有遊戲..

平時要WARM UP 0既峻峻, 見倒有野玩竟然自己衝左埋去...

好快同D 哥哥姐姐混熟AR..

依個係峻峻第一個玩0既《沿途有禮》..

係關於地鐵GA... 峻峻抽倒第一張牌, 係荃灣..

佢就即刻指住我.. 因為MAMA 係0係荃灣番工的.. HA

我覺得依個遊戲幾好, 可以幫峻峻認識多D 香港0既地鐵站名稱...

連媽咪自己都可以熟識下而家0既香港地鐵路線圖..

AR...依個遊戲.. 仲有一個好處.. 係.. 佢會教導小朋友0係地鐵裏面有咩可以做..

有咩唔可以做..

峻峻有時.. 搭電梯時, 會放隻腳0既側邊GA.. 

由遊戲裏面學習真係勝過MAMA 叫佢一百句"唔好AR"... HA

之後, 我地聽聽創作人介紹喇....

今次個分享會係0係紅磡依間GO INSIDE CAFE 攪GA..

之前都黎過依到食野... 好耐冇黎過..

D 野食好似好味左TIM AR...

連峻峻都係咁話"好味.. 好味..".. HAHA

佢好快咁食完, 好快咁又衝去玩喇...

  

0個日... 佢地介紹左依幾款遊戲~~

一食完野, 就衝去同哥哥姐姐玩依個<<港環保>>

其實佢地好多款棋都寫AGE 5,6+, OR 9+..

但哥哥呢就抽倒部份0既牌, 用左簡單方法同佢玩..

咁就可以由細玩到大喇...

《港·環保》是一款以香港生活題材為背景的德式桌上遊戲。玩家在遊 戲中需要把廢物牌收集分類，放於各個廢物回收箱：同時要運用功能牌把廢物牌 轉為能量水晶，以獲得分數。最後得分最多者為勝。透過遊戲，玩家可以學習廢 物分類、回收廢物、循環再造，轉廢為能等知識。富教育意義且有助改善生活習 慣。 

依個"港環保".. 我知峻峻一定好鐘意..

因為有咁多款0既環保箱.. 峻峻之前學校有個主題就係講環保, 認識環保箱..

每一次0係街到見倒D 回收箱, 佢都係非常興奮...=.=

依副棋又係可以寓學習於娛樂TIM AR...

好快, 哥哥又教佢玩令一個遊戲... <<小財俊>>

一睇個名, 我覺得好似0岩我地大人玩D, 因為大人都要用大智慧去成為小財俊架喇.. HA

但其實裏面, 係要教小朋友學儲錢, 因為我地唔儲錢就買唔倒我地想買0既野喇..

《小財俊大智慧》是 AXA 安盛與樂在棋中合作設計出的桌上遊戲。玩家 棋子首先到達遊戲圖板第 50 格終點「實踐目標」就能勝出。遊戲宗旨是希望孩 子透過遊戲學懂儲蓄、正確消費及基本的財富管理概念，同時培養他們的公民意 識及與人分享等正面價值。 

最後一個遊戲喇, 依個遊戲叫"張保仔傳說"..

《張保仔傳說》由黃頌行先生親自設計。在遊戲中玩家需要分別扮演漁 民、海盜、清兵和葡萄牙人，爭奪張保仔寶藏圖。玩家需要利用風向牌和功能牌， 使自己快速前進的同時阻礙其他玩家。最快圍繞長洲地圖航行一圈，並沖過第二 十四點為勝。遊戲除了充滿娛樂性，還能讓玩家對張保仔的歷史以及長洲的風俗 文化有所認識。

我問峻峻, 你玩左幾個遊戲, 你最鐘意係邊個呢?

我一心以為佢會話"講環保"架.. 點知原來.. 佢揀"張保仔傳說"

其實MAMA 0個時仲未清楚有咩咁好玩, 只見佢地轉黎轉去..

我仲心諗峻峻係咪真係識玩...

 今日峻峻識左2個好朋友AR, 多謝你地陪峻峻, 玩左一整個晚上..

依個分享會由7:30PM 開始, 玩到差唔多十點..

走0個時, 峻峻問: 點解要咁快走AR???!!

真係快樂不知時日過......................

其實, 我地平時都好鐘意玩桌上遊戲GA..

因為.. 峻峻玩遊戲0個時係最認真... 學野都快好多GA..

同埋.. 平日都唔會點出街, 一家人0係屋企最好0既親子娛樂就係圍埋一齊玩遊戲..

真係可以促進倒大家0既關係GA..

依幾日白生就沉迷左"張保仔傳說"喇...點解話佢沉迷呢.. 

因為佢日又玩, 夜又玩.., 起身又玩, 訓覺前又玩...

去婆婆到又玩, 去麻麻到又玩... 

每次都要帶埋去, 同其他人一齊玩....

其實上次玩左幾款樂在棋中0既桌上遊戲.. 

佢話最鐘意係依款"張保仔", 而家玩到連爸爸都話幾好玩WOR..

因為"張保仔"裏面, 有東南西北風, 有炮擊, 有平安包, 又有白海豚..

真係好0岩小朋友玩, 又可以親子, 

又可以遠離電子產品, 仲可以訓練一下個腦TIM..

峻峻有一個缺點.. 就係"不服輸"..輸左會喊, 會唔認輸..

所以.. 我都想同佢玩多D, 令佢明白遊戲裏面總有輸贏..

經過幾日幾夜0既培訓之後, 我問佢.. 輸左要點AR??

峻峻2隻手指掂住臉話: 要笑住話再黎過 : )

 佢地D 遊戲真係幾好玩同教育意義, 又唔太貴.. 

大家都可以上佢地FB 都睇下AR...

PEOPLE ON BOARD

https://www.facebook.com/pobhk?fref=ts

觀課日

前2星期.. 學校觀課日...
家長可以到學校, 睇下小朋友點上堂...
同陪佢地一齊上下堂...

好記得... 這是分組時間...
峻峻那組做勞作...
其實.. 佢地番左幾年, 對學校, 對自己0既課堂運作一定比我地家長熟...

0個一份勞作.. 係用舊棉, 印落D水彩顏色到...

然後再印落自己張畫...

我見峻峻, 印黎印去都係橙色... 

我話不如你印下其他色LA..

峻峻話: 每個人只可以用一隻色架咋..

過左陣, 聽倒另一個MAMA 同自己0既小朋友有相同0既對話.. WKAKKA

父母.. 總是忍不過眼望著小朋友論論盡盡..

父母.. 總是忍不著要幫小朋友加一點創作......

離開小朋友之後, 

有個主任同我地分享一D 育兒心得..

其實事隔2星期, 我大部份都忘了...

但.. 有些說話, 說中了, 所以心刻...

主任說, 其實我地做父母, 最難0既, 但最要做0既就係忍手...放手...

因為.. 我地每幫小朋友一次, 就等於小朋友少了一次練習/學習0既機會...

主任話, 好似食飯咁... 

我地應該由得佢地自己慢慢食, 寧願佢地跌到周圍都係..
慢慢給佢地鼓勵... 例如:"今次食得好好WOR, 一粒飯都冇跌"..

咁樣, 小朋友就會記得.. 然後下次就算佢跌左飯..
都會想盡辦法收埋粒飯...

係.......... 我同BABA 都曾經因為貪快, 峻峻講一句"做唔倒".. 

就好多野都幫佢做... 

例如.. 除衫, ... 扣鈕... 解鈕....

原來我地特別0既照顧, 唔等於我地對佢0既愛或保護..

反而換成峻峻對我地0既依賴.. 同一齊否定左自己0既能力...

我要學習放手.. 要學習做一個稱職0既MAMA.. 

我要學習在你的能力範圍內給你鼓勵, 陪你去做一D 曾經你都以為自己做唔倒0既事情..

我要學習放手... 讓你在自己0既小手下, 在任何事情都比BABAMAMA 幫助下發揮得更好..

我想說..

峻峻己經學識扣鈕... 解鈕...
我還記得... 他解了一粒佢認為最難解0既鈕之後..

開心的說:"MAMA.. 我解倒喇"...

熊本熊@THE ONE

[E依篇BLOG 係之前GA, 之前打左唔記得發佈.....=.=]

自從UNCLE J 送左部熊本熊四驅車比峻峻後, 我地開始對熊本熊熟識..

峻峻都好鐘意..

今日TST 食過晚飯, 特別黎到THE ONE 搵熊本熊的...

 見倒鐘意0既野, 峻峻會好自覺地走去影...

而且係, 影一張都唔夠, 要你影幾張..

佢話要幫手耕田...

每個位都要企一企, 然後催我影..

好彩今日人唔多, 冇人同你爭...

見影得未夠, 我地上埋2樓影LA~~

好大個BACKGROUND, 好靚AR

依2間房都好靚AR...

放隻手比熊本熊食先~~

我問峻峻, 點解熊本熊高過你, 佢話, 因為熊本熊食得多蕃茄..

白生要影晒每一個報置...

不過講真, THE ONE 0既怖置真係幾靚..

勁得意呢...

我地都想同熊本熊拖GIVE 去旅行AR...

最後.. 連條橋都唔放過.....

影晒LU, 真係幾靚AR... 雖然只係地下同2樓..

但D 熊本熊真係做得好得意

峻峻激死事件薄

今日我地唔講甜語，唔講傻話..
我地今日記錄下“峻峻激死事件簿“

做完功課，mama: 你執好啲顏色筆先
峻峻去執功課先...
Mama: 我叫你執左顏色筆先呀
峻峻：你覺得功課重要啲定顏色筆重要啲丫？

Mama: 你頭先話買橙汁，飲左2啖又唔飲，如果你唔飲，你以後唔好再叫我買
峻峻：好呀，我以後唔會再叫你買架喇

Baba 好嬲咁話： 大爺，我真係想叫你做大爺呀
峻峻： 快啲叫la, 我想聽你叫我做大爺呀

Baba: 我做家長義工嗰日要照顧埋其他小朋友wor
峻峻： 我唔比你照顧埋其他小朋友
Baba: 我會照顧你，另一邊都要照顧其他小朋友架
峻峻嬲
Baba攬住佢叫佢唔好嬲
峻峻：你唔駛攬住我喇，你攬其他小朋友la

退一步海闊天空

今日喺又一城咁岩係跟馬馬跳舞時間，

一班小朋友跟住馬馬跳，

跳完排隊同馬馬合照

一班小朋友排隊時，帶點混亂

原本峻峻排得好前，

但混亂嘅情況將佢擠出隊外

我嗰時望倒都覺得唔開心同嬲

但峻峻竟然一啲都冇嬲，

佢選擇行去隊尾再排過..

其實我第一刻係諗，

點解你咁傻要走去最後重新排過呢

當我走到峻峻身邊，

見倒他一臉傻氣，

只有期待和馬馬合照的樣子...

令我明白到，我地不一定要爭第一，

只是退一步海闊天空，

只是花多一點點時間

我們還是可以快樂地和馬馬合照

你令我明白到，我地遇到一啲小事，

可以不放在心裏，可以不難過，不憤氣

處之泰然，我們的可以世界更加美