K1結業禮

由7月開始, 0係FB 到就見倒好多朋友仔POST 結業禮相~~

攪到, 我都開始期待小寶貝0既結業禮AR~~

0係結業禮前.... 我們發生了一個小插曲....
我地之前幫峻峻報左個LCM 音樂試...
大約結業禮前, 興趣班個音樂老師話比我地知出左準考證...
而個日期, 同時間正正就係撞左結業禮....
其實個考試己經比左錢...
所以, 都有一刻猶豫, 應該點捨棄....
但最後... 我都係選擇.... 放棄考試... 同峻峻出席佢一年一次0既結業禮....

我覺得...  音樂試今次唔考... 下次可以再考過...
但結業禮一年一次, 見證住峻峻依一年0係學校裏面0既點滴...
我同老師講, 我唔想錯過

[0係依間學校2年... 峻峻有2個好好好好0既朋友]

我同BABA 都隆重其事地請左半日假...

其他同學仔同峻峻都一樣, 最期待0既係爸爸媽媽會接佢放學...
出席佢地0既活動, 同佢地一齊0係學校到玩...

今日結業禮係N 班同K1... 如果父母出席唔倒, 咁小朋友就要去K2 同K3課室上堂...

我見倒小朋友見倒父母黎到學校開心0既樣...
都見倒有一D小朋友父母真係太忙黎唔倒...

我之後同爸爸講, 有時會慶幸自己不是什麼專業人仕,
不是工作忙透的父母....
因為我知道如果, 我地錯過了峻峻學校任何一個活動, 佢都會好失望...
[我試過有次忙了將學校觀課日日期攪亂, 錯過了,
峻峻放學後..好失望地問我"媽媽.. 你點解今日唔黎0既]

因為我知道, 如果我忙到見證不到峻峻長大, 我將來一定會好遺憾...
我很相信, 他每一天每一個小點滴, 佢長大0既經過...
佢0既無聊, 佢燦爛0既笑容, 佢0既失落, 佢需要0既愛護...
統統... 都是錢買不到的....

今日K1 小朋友表演了十分鐘的唱歌跳舞...

記得之前峻峻每次學校表演都好緊張... 緊張得面青青的...
我今次一早同左佢講, 你唔駛咁緊張GA....
BABA MAMA 會0係下面睇住你GA...

今次好叻叻AR... 今次見倒你真係投入, 開心咁讚美上帝....

今日峻峻0係結業禮到都得倒2個豬肉獎AR, HAHA

第一個, 係峻峻同MAMA 做0既親子春日吊飾獎~~

再一次... 多謝支持過我地0既老師... 同家長.... 多謝多謝

第2個係童趣頌讀...
峻峻之前參加個人表演故事

其實... 佢0個次係驚到只係講左一句架咋....

所以... 依個 應該係鼓勵+豬肉獎HAHA
今次你上台, 對住一班家長, 唔再驚驚喇..
見倒你笑咁樣衰, 我知道你努力進步中喇~~~

話咁快, 就2年喇....
仍然好感謝依間學校比倒好多愛峻峻...
謝謝這間學校, 除知識以外, 給予峻峻細緻0既關愛...

我記得, 有幾日峻峻個肚唔舒服, 大便時痾水...
老師好緊張地連續幾日話我知佢大便幾多次, 形態係點樣...

又記得有次, 峻峻指住手指同我講, 今日手指甩皮好痛,
之後曾老師幫我剪左去...

有次, 老師放學留住我問我峻峻0 係屋企飲湯情況...
謝謝你地怕佢唔夠營養, 想盡辦法令峻峻每天學校都可以飲晒一碗湯

謝謝你們, 知道峻峻被動, 會給多佢多一點耐性...
謝謝你們讓峻峻每天都開心咁番學, 快樂地下課....
謝謝你們0既貼心, 讓我可以上班時間專心工作~~

我們的第一次SELFIE

 "SELFI" 依樣野, 其實我第一次認識係因為東張西望...
0個時東張西望介紹而家流行0既其中一項攝影...
0係間房裏面, 有唔同0既BACKGROUND, 有唔同0既道具, 衣物...
然後有一部SET 好0既相機, 加一個CONTROL...
就可以自己影一輯相喇~~

0個時我同白BABA講, 咁傻0既.. 有冇人去影GA???
點解要特登自己BK 個STUDIO 影, 出去影咪得....

到近日,好朋友想約我地幾個姊妹影一輯大肚相~~
基於近日天氣炎熱... 加上大肚婆0既不方便...
我就閃番左東張望介紹0既SELFI...
我問朋友, 你有冇聽過AR??
朋友話都有WOR, 然後我地就FB SEARCH 下, 再電話問下詳情...
就係咁..... 促成左.. 我地第一次0既"SELFI"喇... HAHAH~~

這是我和峻峻的第一張SELFI~~~

   

我地揀左一間叫"M&M SELFI" (你地可以FB SEARCH AR")

佢0係旺角, 重點係, 超方便, 一出MTR 行2步就係...
今日峻峻上堂之後先去, 所以我地都遲到AR..
但今日EE 們都話峻峻今次好叻, 唔駛WARM UP, 好快入戲...
因為依到有好多野玩, 每一樣道具都比峻峻拎晒入黎影咁濟=.=...
依到唔大, 得2間房, 有好多衫, 但我地怕DIRTY, 所以冇影...
我地今次6個人, 影左2個鐘...
我覺得事前應該準備下要點影...
因為我地真係冇準備過, 好多時間SIDE 左, HAHAH

 今日我地目的係同契媽影大肚相....
打從峻峻一出世開始, 契媽就好錫佢架喇...
所以慢慢地, 佢地都建立左好深厚感情...
峻峻成日都叫我生個細佬/妹妹比佢...
我話你咪有LOR, 你有KYLIE 妹妹LA, 點點妹妹, 你係哥哥黎架喇....

其實有時候, 我自己見倒D 哥哥/姐姐相都覺得好溫馨...
HEHE, 今次借契媽同峻峻溫馨一下....
UM... 算係有2張相冇攪亂檔喇~~~
媽媽好鐘意依2張相AR

懷念陪你一起經歷過的, 期待我們最愛的~~~

峻峻同契媽都期待住點出黎AR~~

如無意外... 我們4個都是9月之星YEAH~~~~
等點點出黎開生日會...

總括黎講, 唔駛熱, 有得幾個朋友一齊玩下, SELFI 都係一個幾唔錯0既選擇...
我地都好滿意輯相AR~~~ HA

唔想你"星斑"

又七月喇, 代表開始暑假, 代表一個學年完結, 代表另一個學年又開始..
亦都代表住... 你... 又長大了.....

最近, 峻峻又開始話"我升班喇"...
WOW... 轉下眼又K2.....
媽媽每一次諗起又升班, 我就會回憶番第一天你哭哭鬧鬧上幼稚園的日子...
時間.. 真係過得好快... 轉眼又2年..
2年後... 又小學...
怕你上不到一間好的小學...
但更怕你長大得太快..............

晚飯時候, 峻峻話"我升班喇"..
平時MAMA 會回應你, 係WOR, 咁你係哥哥喇WOR..
上低班喇WOR..
但今晚MAMA 終於忍唔住講出做真0既說話...
MAMA: 但我唔想你升班AR...
峻峻: 點解AR?
MAMA: 我唔想你大個AR...
峻峻: 點解唔想大個AR
MAMA: 我想你永遠都係我BB....

BABA也突然吐出了一句: 我最近發夢見倒峻峻大個左AR... 變倒十幾歲咁
MAMA: 咁你有冇喊AR...(我見倒BABA 都係眼濕濕的)
BABA: 冇AR... 不過個心唔知點咁LOR~~


HEHE, 原來唔捨得你長大0既唔只得媽媽一個, 還有BABA....

「探索大自然遊學園 x 動物農荘2014」下集

繼續彈彈床

依個係一堆禾稈草... 我本身覺得好無聊GA, HA.. 但其實越簡單0既野小朋友越玩得開心~~

揼磚, 依個, 我覺得幾得意AR~~

之後去左MAN EE 個檔口倒亂... 佢話派晒籌喇, 叫我排去後補,
如果有小朋友冇黎, 就比我入, 最後, 成功帶左峻峻入去玩~~ HA
MAN EE 個檔口叫"PARTY BUDDY", 係專係幫小朋友開生日會GA..
有興趣朋友可以FB 到SEARCH 一SEARCH

 到左MAMA 最期待0既整牛牛喇.. 依個3點拎飛, 拎到5.30 先入倒場GA~~
一入到去, 有姐姐同小朋友影張相..
然後比張畫紙我地, 叫我地油靚個手棚...
好快好快... 姐姐就隊左依個峻峻牛比我..
其實初初冇太大期望, 因為硬係覺得做依D 野, 即場影AR, 個樣會唔靚..
但依個就係好靚, 一望倒, 就忍唔住爆左句好得意AR~~~

峻峻都好開心, 仲好樂意擺個靚POSE 比我影相..

依張相係MAMA全日最鐘意0既，　放大Ｄ先～

整完牛牛未夠鐘.餵羊.. 去玩多個彈彈床

依個八爪魚彈彈床好好玩, 峻峻玩玩下, 走過黎話
"MAMA... 我覺得好好玩AR, 你下次再帶我黎丫"

終於夠6點喇, 6點係排隊拎草餵羊AR HAHAHA..仲要派晒就冇架喇~~

峻峻最鐘意親親小動物~~~

最後, 我地玩埋依個, 之前好多人排, 臨近尾數, 少左好多人,

排左2ROUND, 就可以SIR LU~~~~

一離開博覽館, 就見倒好靚0既日落....

機場0既日落真係好靚AR~~

一上到車, 白生唔夠5分鐘就訓著LU...
我同BABA 話, 佢訓左喇, 佢應該玩得好累...
BABA 話, 你都累LA...

依個時候, 我先發現.. 係WOR, 朝早要番工, 一放工就帶左個仔去顛...
理應.... 應該真係好累...
但見倒自己個小朋友開心, 原來做父母真係可以忘記自己0既累~~~

好LA, MAMA 應承你出年再帶你黎AR...

「探索大自然遊學園 x 動物農荘2014」上集

星期六, 我地又去左機場博覽館喇...

之前, 見倒有依個活動, 一直都好想好想去...
炎炎夏日, 有個地方, 有冷氣, 比倒小朋友玩真係好唔錯0既選擇..
見倒介紹, 仲有恐龍, 我估峻峻一定會好開心..
但因為機場遠, 票價都唔平, MAMA 諗住網上抽獎, 抽中飛就去LA~~
點知, 抽左2個定3個都係落空....
想放棄之際, ... MAN EE 竟然話有飛比我地入AR... YEAHYEAHYEAH~~~

因為太多野玩, 太多相關係, 今次要分2篇BLOG 黎寫...

記得5月去0個時冇咁多野玩, 今次依個真係好好玩..
原來上次係FOR BB, 同孕婦..
今次係FOR 3-11 小朋友...
峻峻都玩到顛晒喇~~

唔知係咪因為今次票價唔算平, 所以去到都唔算好多人...

不過好多都要排隊拎籌.....
我地都MISS左整BEAR BEAR~~~

一去到, 入場位置, 己經係峻峻最鐘意0既恐龍..

我記得, 應該2歲多左右, 峻峻就開始愛上恐龍...
一直到而家, 冇變心過~~~

所以.. 佢見倒之後, 真係好開心.. HAHAH~~

搖控恐龍~~~

佢要求玩晒恐龍先玩其他野~~~ =.=

然後, 就係到最開心0既彈彈床...

今次好多個唔同0既彈彈床AR, 除左FOR 幼兒0個D ... 我地其他都玩晒~~

依張相好濛... 但我好鐘意, 峻峻依個開心樣....

每次玩彈床, 佢都係好博命.... 指定時間內, 人地玩3次, 佢可以玩倒5次, HAHA

之後去左睇羊羊LA.. 峻峻話要餵...

但原來草都要指定時間排隊拎....=.=
下一場派草時間係6:00, 所以我地就轉玩其他先=.=

依到.. 樣樣野都係要排隊, 我覺得真係幾SIDE 時間,

今日, 係EE 同我地一齊去GA>..
咁我地個戰略係, 一個排隊先, 另一個帶佢玩其他,
咁就可以充份利用所有時間喇, HA~~
EE 排隊睇馬0既時候, 我地去左玩依個~~

到左媽媽排隊0既時候, EE 帶左峻峻玩依個~~

 

最近峻峻都愛上畫畫AR~~~

YEAH.. 到我地喇... 峻峻第2次近距離接觸馬~~~

之後見冇人排隊, 去左玩依個, 要0係農場搵6隻雞蛋出黎~~~

 (聽日打埋下集)