牽著小蝸牛完成小學第一個測驗

幾經辛苦, 終於完成了小學第一次測驗..

BABA MAMA 暗地裏協議過,

無論你分數係點, 我地都唔會話你,

因為我地見倒你真係有幾咁努力過..

 

於是上星期四最後一日測驗放早,

MAMA 就帶你去玩..

 

 

 之前問過峻, 你想去邊到玩..

峻峻話: 去科學館..

好.. 我地搭巴士出發喇, YEAH

 

我地懷著超快樂0既心情去科學館..,

一路上心情都係勁興奮+期待..

去到科學館門口, 我地仲影左張超開心相準備入去...

 

 

影相時... 我地都仲發現倒亮點...

影相轉身後, 準備入去之際..

我地先發現...................................................................

科學館逢星期四休息, 謝謝...

 

=.=..................................................................

峻峻: MAMA, 我地好傻AR.. 休息都唔知..

MAMA: 係AR, 我地唔好話比人知, 我地咁傻..

 

科學館休息, 我地轉陣去太空館..

但去到先知太空館............. 係裝修0既=.=

事後朋友告知太空館其實已經裝修差唔多成年了....

=.=

 

不過唯一值得高興0既係天象廳0既電影冇受影響..

所以我地就買左飛等睇電影喇..

太空館又裝修, 我地唯有外圍行下LA..

星光大道圍晒板咁...

但峻峻好欣賞, 係咁話D 公仔好得意...

仲有依D 草皮凳,

峻峻話好舒服AR...

右圖係佢坐住0係到, 望住對面吊機, 打摏機0既樣=.=....

佢話: MAMA你都訓落黎望住丫, 好得意0既,

MAMA... 依到真係好舒服AR..

 

雖然今日明明同你慶祝測驗完結, 但最後科學館, 太空館又去不成..

但.. 謝謝你, 一點埋怨也沒有...

 

帶著6歲0既你.. 往外走, 一點也不累...

你告訴我, 我們可以慢慢地走, 慢慢地感受這個世界..

你告訴我, 我們可以欣賞打摏機原來都可以好可愛..

你告訴我, 原來靜靜地坐在鬧市裏面, 都可以好舒服



 

我地終於等到5點睇奇幻冰極..

成套電影時間AROUND 40 分鐘..

峻峻話, 好好睇, 仲問我點解咁快做完,

又話下次要睇埋火星0個套..

 

依個時候, 我發現, 峻峻同我一樣好鐘意睇悶野, HAHAH

睇完電影, 我地行番去碼頭搭巴士搵BABA...

MAMA見倒個天空好靚, 想影張天空相..

峻峻話, 佢都好想影...

結果, 我地0係同一個天空下, 影左2張唔同0既天空相..

 

同一個天空，我們可以看出不一樣的景緻，
同一件事情，我們可以有不一樣的感受，
同一個逆境，我們也可以選擇不一樣的心情..

 

BABA 之前話過一測完驗就帶你食壽司列車GA...

峻峻, MAMA 知道你依幾日好努力...

我地好希望你喜歡依個結束測驗慶祝活動..

我地應承你, 會好好陪著你成長 : )

跟著BABA去冒險@泰國之旅第一天[第一站:PIPO PONY CLUB]

好想寫番今年個旅行記, 雖然已經係6月尾發生0既事..

但真係好懷念..

自峻峻3歲起.. 我地好希望可以一年去一次旅行..

至少一年一次帶佢放眼依個世界..

第一年, 我地去左韓國, 第二年, 我地去左新加坡+馬來西亞..

今年.. 我地竹自由行去泰國..

 

今次其實有少少緊張, 因為依次係我地一家3口第一次自由行..

因為MAMA 唔想諗野關係, 而BABA 又好想自由行, 所以今次個旅行全程由佢負責0既

包括, 之前0既BOOK 機票, 約司機, 食乜野, 住邊到..

我負責提供我想去0既景點, 然後佢搵方法去... HAHA

所以.. 今年0既旅行, 我將佢命名為"跟著BABA去冒險"

 

去到泰國機場, 已經我地0既司機等梗我地喇...

第一日, BABA 包左一日車,

首先車我地由曼谷機場去芭堤雅..

去2個地方, 再番去我地0既酒店...

 

第一個地方... 係白MAMA 揀0既...

PIPO PONY CLUB

去自由行, 去玩, 記得上網CHECK 清楚個入場價錢..

叫車車你去一個地方非常方便, 基本上司機都係好NICE 0既..

但難免佢地都會想搵少少著數..

當我地一到達之後, 佢話幫我地買飛, MARK UP 左一個比我地網上見倒還要高0既入場費

BABA 即刻SHOW 比佢睇, 我地見倒係幾錢..

佢又再話去傾下, 之後, 叫我地比番0個個價錢就OK

 

帶住峻峻去旅行, 我會想搵一D 有動物0既地方..

依個PIPO PONY CLUB 我係見倒D 團有, 覺得都OK, 所以叫BABA 帶我地去..

而今次我地去泰國0既第一站就係接觸PONY

 

依個地方可能比較隔涉, 所以人唔係好多...

我地一行埋去, 職員就會幫我地引D PONY 影相~~

好鐘意包場0既感覺..HAHAHA

0個朝我地5AM 就離開屋企...

0係機上面峻峻訓左一個鐘倒, 一落機就去玩,

其實都FEEL 倒佢好攰,

所以, 佢好多時間都係坐左0係依個位.. 唔願郁...

 依個PIPO PONY CLUB 唔算大, 亦都可以話冇咩野玩...

中間個場有好多隻PONY...

可以騎下PONY~~



 

 

冇人等, 冇人排隊下, 騎左3圈

 

除左PONY 之外, 樓上有個館.. 有蜥蜴AR, 同一D 亞熱帶小動物睇...

峻峻好鐘意, MAMA 覺得好核突, 所以影0既相唔多...

右邊0個隻野, 冇野困住佢架... 佢可以自己行黎行去....

 

乜真係咁好睇咩...

睇完個館, 又落番去PONY 到....

其實開始冇咩野睇.. 但之後有個SHOW, 所以我地就等埋...

被扮靚0既PONY......

唔知D PONY 其實想唔想被扮靚架呢....

終於開始睇SHOW.. 其實本身都冇咩期望...

因為依到唔係好多野玩, 人又唔多...

但出奇地, 雖然觀眾好少..

但佢地都冇欺場... 人同馬都有水準!!

有玩火, 玩劍, 成個SHOW 差唔多半個鐘...

完場後, 可以坐上去同佢地影相, 唔駛錢0既...

不過如果DULL 一個圈, 就另收費喇....

 

依個PIPO PONY CLUB...

我地用左2個鐘逗留...1.5 TO 2HRS非常足夠... HAHAH

 



牽著小蝸牛學游水

 

其實峻峻好細個時都有講過想學游水,

我都覺得游水對身邊真係好,

但基於峻峻小時候幾容易病, 可以飲一啖凍野就會病,

試過3歲時, 跟BABA 去公眾泳池游水, 一番黎就發燒...

但佢係好鐘意游水0既, 剛去泰國旅行, 4日, 都有水游, 十分開心..

我一直搵一D 近屋企, 又想私人少少0既泳池, 但搵唔倒..

直至上左小一, 學校有游泳班, 就參加了...

 

 

第一堂, 教練讚佢唔驚水, 叻叻..

但去到第二, 三堂, 開始要學用口0係水裏面吹泡泡..

開始學成個頭浸落水到...

0個2堂, 峻峻都係唔敢, 個額頭位永遠掂唔倒水..

因為佢真係好驚...

 

其實對於唔識游水0既MAMA 黎講, 係絕對明白, 點解會咁驚..

因為, 我都會好驚...

 

但我見倒個畫面係幾感動..

教練不停叫佢成塊面浸落水, 而佢每次好大力地深呼吸,
但去到爭幾CM掂倒水時, 塊面就會HOLD 住左..

然後... 到下個小朋友時, 峻峻就會好努力地0係旁邊嘗試將成個頭浸落水..

如是者, 依個好努力嘗試但唔成功0既動作, 維持左2堂半 X  N次...

 

到0岩0岩過去0既第4堂,

佢終於0係自己努力嘗試0既某一次後, 成功了..

 

 

MAMA 真係覺得你好叻...

原來, 我地一次唔成功, 可以再努力, 兩次唔成功, 都可以再努力..

可以努力二十次, 三十次, 什至一百次..

原來.. 我地唔怕失怕, 唔怕嘗試...

你0既努力總不會白費..

 

峻峻, 你比MAMA 叻, 你比MAMA 更勇於嘗試.. 更加堅毅..

依方面, MAMA 真係要好好跟你學習... : )

 

 

 

今日係測驗第三天

BABA MAMA已經定下一個格言

就係..

"無論你分數幾多, 我地都唔可以話你, 因為我地見倒你努力過"

 

 

 

 

 

 

 

 

牽著小蝸牛@測驗第2天

 

 

小朋友少少年紀就要面對唔同0既測驗考試壓力,

造成今時今日, 好多小朋友輕生0既原因..

我成日都要提醒自己, 要放輕鬆, 終究其實只不過一個分數..

如果為了學業, 輸了關係.. 或者輸了生命, 想再後悔時已經太遲了..

 

尋日, 峻峻完成第一科中文測驗..

我叫左自己唔好問佢測成點架喇..

點知, 佢自己又講D, 我又問D...

再講講下之後, 佢話真係有一個我地溫過0既題目..

好可惜, 溫書時, 佢答錯, 我當時叫佢測驗記得唔可以咁答..

結果, 佢都係寫番一個錯0既答案...

0個一刻, 其實內心有少少火火地,

我話, 我明明同過你講, 唔可以咁答架喇, 點解你又要咁答0既?

問到佢都開始越黎越唔出聲..

 

我慢慢禁住自己, 同自己講, 唔緊要LA, 都係第一次測驗者, 都係唔小心者..

我問峻峻: 如果你係MAMA, 我係你, 我測驗成績唔好, 你會點同我講AR?

峻峻: 好LA, 我都買陀螺比你LA...

MAMA:下, 唔係卦, 測得唔好都有陀螺? 好LA,

如果你有盡力, MAMA 再諗下送唔送比你LA... 

 

 

小蝸牛, MAMA 應承你AR...

MAMA 到今天依然走得可能還有一點急..

到今天依然可能還有一點燥..

但MAMA 會盡量學習, 學習盡過力就好了,  學習不給你壓力,

學習陪著你慢慢走, 絆倒了, MAMA 會一如已往地, 牽著你手再向前走  

 

 

 

[依張相好醜怪，但記錄住一個乖孩子的故事]
尋日峻測驗放早，
所以我等埋佢先去超市買野，
一比完錢，佢已經搶住個袋要拎，
行左一陣，我又搶番，因為我覺得真係重，...

點知佢即刻唔開心樣，要我比番佢拎先開心番

 

我覺得你真係好錫我架, 所以我都會好似你錫我咁去錫你 : )

 

 

 

 

牽著小蝸牛上小學@第一個測驗

 

唔知道咁溫書會唔會勁啲架呢
峻峻：我唔想溫英文呀
mama: 不如你帶住大黄峰黎溫英文丫，大黄峰啲英文好勁架
峻峻：咁等陣我想帶鋼鎖面具溫中文呀
mama:好好

 

番左唔夠2個月小學, 就要面對第一次測驗了..

峻峻學校一年2測2考, 測驗佔40%,

為期4日, 每日一科, 放早..

UM.. 所以都應該幾緊張的...

 

其實小學前有一個好好0既計劃,

每日放學番黎, 都溫下書, 咁樣去到測驗考試就唔會咁吃力..

但.. 往往幻想0既比做係難好多好多倍..

不斷0既默書評估, 同功課, 其實放左學之後仲邊有時間每日溫少少書丫....

 

上星期五, 我知道唔應該去開心有一個風球降臨,

但真係好感謝有多一天假, 比我地好好咁去溫下書...

 

0係風球下, 我地一打開本書一溫, 再望一望個鐘...

竟然已經係三個小時有多..

我自己都嚇左一跳..

0個時都諗, 其實峻峻都幾乖, 會肯溫幾個鐘書..

以前, 我半個鐘都嫌多....

 

講真, 我覺得年代0既小朋友真係幾堅..

年紀少少, 就要為自己0既面試, 考試, 學業, 付出厚厚0既使命感...

一邊我好佩服佢地, 而另一邊... 也會很感嘆童年係咪應該咁呢?

 

星期六, 如常0既去踢波游水,

回家後已經4點... 睇一陣卡通片...

再溫半小時英文, 又睇下小丸子...

之後, 諗住小休一陣, 食完飯晚再溫..

點知, 我同峻竟然由6PM... 訓到第2日0既8AM......................

我覺得我地2個好豬AR....!!!!

 

 

星期日, 一早去左教會, 之後溜冰..

有人問, 番左小學唔會好忙咩, 仲可以咁早番教會0既?

其實就算唔番教會, 都唔會晨早流流溫書架喇?

咁不如番去天父0既家裏面, 輕鬆一下自己0既頭腦??

 

尋晚, 我地再由書AR, 作業AR, 由頭到尾睇一次,

就係咁.. 就結束左我地中文測驗0既預備喇.. : )

 

當我打梗係篇BLOG 0既時候, 峻峻應該努力梗佢0既中文測驗..

依個時間我除左祈禱之外, 唯一可以做0既就係等佢自己造化...WKAKKA

 

峻峻, 加油AR...!!!!

無論成績係點都好, MAMA 應承你, 星期四放學一定會帶你去玩個夠 : )

 

 

 

 

 

 

 

 

 

 

 

 

 

 

 

 

 

 

 

 



牽著小蝸牛@第一次當家長義工

早前收倒學校家長義工0既通告..

我都猶豫左一陣, 做唔做好..

我問峻峻, 你想唔想我黎你學校做義工AR?

峻峻: 想AR, 我好想你黎我學校做校工AR..

MAMA: =.=.........唔係校工AR, 係義工AR...

 

簽左通告冇幾耐, 好快就收倒電話去做第一次0既家長義工..

原來今日0既工作就係... 協助佢地上常識堂..

 

今次, 佢地常識堂分組去訪問學校唔同0既職員...

例如係書記, 校工, 老師, 圖書館理員咁...

每2個家長帶一組, AROUND 6個小朋友去做訪問..

 

我好慶幸我係睇番峻峻0個班..

更加慶幸係, 我唔係帶佢0個組, HAHA

我覺得比佢知道MAMA 有份參與義工0既工作,

協助佢0個班, 已經好好架喇..

今日佢望倒我, 佢都好開心..

 

但至於一齊一組就唔係咁好,

我唔想佢會依靠我, 我又唔想我太過FOCUS 佢...

 

其實, 我小時候0既志願係當一名老師..

我真係覺得每日對住一班天真無邪0既面孔比對住一D帶住假面具0既人,

工作會有意義得多...

 

雖然我最後都做唔倒一個老師,

但好似今日咁, 短暫0既時間同佢地一齊做訪問, 傾計,

我發覺原來做家長義工都真係好開心..~~~

 

 

 

 

 

 

 

 

 

 

 

 

 

 



繁忙兒童星期六

星期六0既早上, 我地唔駛番學, 但都要晨咁早番到學校..

事關峻峻係都話要參加踢波...

踢完波冇耐, 番到屋企食個LUNCH, 又出發去游水....

依2個課外活動, 都係峻峻自己要求學0既...

我深信每個小朋友都有自己0既潛能, 都需要可以發揮0既空間..

既然係你自己喜歡0既, 就嘗試一下吧. 

 

 

一早學完2樣野, 我覺得都需要去RELAX 下架..

於是我地今日JOIN 左EE 0既朋友去野餐...

 



今日去左大埔海濱公園,

以前住大埔好少黎, 搬左出城又去懷念新界0既味道...

 

 

今日我地第一次見EE 0既朋友,

峻峻原本都好怕醜GA, 因為佢好慢熱0既..

但之後黎左一個識打排球0既老師姐姐..

峻峻一見倒人地個排球就2眼發光..

佢平時會可以0係條街到睇人打排球0既人..

成日都好想學, 今日姐姐教左佢一D手勢, 佢非常興奮...

 

以為由朝到晚, NON STOP 地運動, 佢會好攰..

但佢話唔想番屋企住..

於是我地去左沙田行左陣,

試左依個KISS THE TIRAMISU..

我地都覺得幾好味AR~~~~

 

 

繁忙兒童星期六就此完結,

峻峻都話自己唔攰架... 但我已經好攰了..