牽著小蝸牛上學一個月了

 

話咁快, 小蝸牛已經上小學一個月了..

見倒佢慢慢開始適應小學生活.. 當MAMA 的也感到很安慰..

 

禮貌

每朝見住小蝸牛, 由直衝學校到而家懂得跟校長點頭, 早晨..

發覺你又長大了..

知識對於一個人0既成長不是最重要, 最重要是懂得待人有禮

 

朋友

聽你說, 小息的時候, 會一班同學走去跳飛機, 上普通話室..

SHARE 小食, 和同學相處融洽, MAMA 就唔駛再擔心你唔駛再話冇朋友喇..

 

功課

好慶幸, 峻峻學校功課唔算好多...

中英數其實每日都有一至兩項,

但好多時都係包括埋改正, 好多時功課都係工作紙..

需時其實唔需要好耐時間....

不過, 處女座MAMA+處女座仔仔一起做功課.. 就註定每天功課時間都會吵架..=.=

 

默書

9月中開始第一次中英默, 今個星期又完成了各一次..

一個月, 分別2次中英默書...

中默內容係詞語, 大約十幾個..

第2次英默, 開始默句子, 大約8句...

其實, 我本身都想講, D 字幾深, 其實對小一生黎講都幾吃力..

不過當我聽其他朋友媽咪分享自己小朋友默書0既範圍..
E.G. 全篇文章讀默, 課外默書, 英文N 咁多句句子...

我明白到大家已經認同了這個程度..

比較上黎, 峻峻學校0既默書範圍係淺..

 

峻峻幼稚園同小學0既學習速度都唔算好急...

循序漸進, 其實正正係我最覺得適合小朋友的..

 

娛樂

其實平日一至四, 我地已經唔會再約人..

因為放學番黎, 吃點小吃, 睇陣電視放鬆下心情..

就開始做功課, 然後煮飯, 食飯, 沖涼,

親子時間一下, 最近0既親子時間係玩爆旋陀螺..

其實MAMA 我覺得好無聊, 但假若依個係你每日最期待0既一個時間..

BABAMAMA 都會陪你無聊一下~~