ALVIN。峻峻。白BB: 9月 2016

2016年9月29日星期四

牽著小蝸牛上學第15天@22/09/2016

話說MAMA 小學時, 都係黃社GA..

所以見倒峻峻著住黃社0既運動衫,

真係會有少少親切感 ~~ : )

今日, 峻峻0係學校開小型生日會..

估唔到上到小學仲可以慶祝生日....

初初以為, 學校本身有..

但後黎知道, 原來只有佢0個班有, 係班主任特別同佢地慶祝0既..

新一代0既小朋友話題已經唔同我地當日,

只係講下玩咩AR, 食咩AR..

今日0既佢地, 會同同學討論派邊間小學, IN 邊間小學, IN D 乜野..

其實... 佢地係真係比我地以前早熟好多..

但... 同時亦反映.. 如今0既佢地面對0既壓力真係唔可以睇少..

我記得有一次, 放學路過一間小學...

峻峻問我: MAMA, 依間小學好唔好GA?

我0個間好D, 定依間好D GA??

我話: 天父揀選比你0既就好架喇...

感謝天父, 賜給峻峻一個愛心班主任..

我覺得一個老師有愛, 小朋友學習就自然快樂..

也會自然事半功倍..

牽著小蝸牛上學第14天@21/09/2016

牽著小蝸牛上學第15天..

每天牽著你, 由其上了小學, 真係覺得時間過得更加快..

走下走下, 我地又行在15天了...

峻峻小學的第一次英默成績...

第一次0既100分, 對小朋友黎講係一支幾大0既強心針..

峻峻學校第一次默書係較簡單..

只係A TO Z..

對比朋友0既學校..

發覺峻峻學校的確冇咁緊張..

所以, 我都放鬆好多..

就讓小蝸牛慢慢地成長就好了..

牽著小蝸牛上學第12天@19/09/2016

又來到星期一喇..

峻峻開始明白到, 星期一等於開始要一連五天的上學..

但.. 還是要面對的.. 就讓我們以微笑來面對吧~~~ : )

上學的日子去了一半,

依然是很不習慣..

從前幼稚園都是全日的, 但有玩, 有食, 有訓..

今天, 在小學裏面, 大部份時間都是專心上堂...

所以, 很多次番到屋企做功課時, 都會釣魚..

其實, 我覺得對於6歲0既小朋友黎講, 真係幾慘...

我唯有比佢訓一陣..

說好訓半個鐘, 但......見倒佢熟睡0既樣子..

又有邊個... 會狠心叫醒佢......................... 做功課呢....??

2016年9月25日星期日

我們都是9月之星@OSLO

其實BLOG 真係一樣好神奇0既科技..

我地可以儲存相片, 儲存記憶..

也可以讓我們結識朋友..

話說... 我們是認識自YAHOO BLOG 的...

然後.. 又咁0岩有一個COMMON FD,

就係咁.. 我地0既友誼就慢慢建立出黎..

好高興認識你, HOI KI~~

你是一個對朋友很好很好的朋友~~

謝謝我有幸運可以認識你...

今日HOI KI 一家, 同我&峻峻, 9月之星慶祝..

但全台只有HOI KI 一人唔係9月之星..WKAKAK

今日我地黎到九龍城食.

但唔係食泰國野, 揀左佢

OSLO

OPENRICE LINK FOR YOUR REF.

其實同小朋友出街食飯.. 我覺得好麻煩GA..

又唔可以玩太多電話, 又唔可以周圍走..

但其實小朋友定力唔係耐..

我地冇可能要求一個小朋友坐定定個幾鐘... 靜靜咁陪大人食, 聽你大人傾計..

所以, 每次都會帶D 野出街..

今次知道見倒++, 帶左康樂棋去..

一見面, 2個就好開心咁玩....

玩夠就準備食飯..

綠搽控峻峻當然要飲綠茶LA~~

三文魚意粉.. YUMMY~

唔知點解, 好鐘意食ALL DAY BREAKFAST..

但唔鐘意食豆豆.... HHAA

我發覺我都算係一個幾揀飲擇食0既MAMA...

磨菇我都唔食0既, 但峻峻就好鐘意...

通當我0既食物有磨菇, 佢都會幫我清晒~~

這是小朋友見倒會好開心0既拼盤...

依到MENU 食物其實唔算多, 但質數也很不錯~~

其實依間OSLO, 我同峻峻已經食過好幾次架喇..

因為..峻峻成日都話食好野 , 等於間餐廳飯後有個好味0既甜品..

而我地每次食佢, 都真係好好好開心...

今日為9月之星慶祝, 所以我地特登揀有間甜品可以寫"HAPPY BIRTHDAY" 0既餐廳...

冇失望..

大家望倒佢都好開心ga~~~

佢地好好ga, 我地話想寫咩, 佢地話會盡量幫我地寫晒上去....~~~

祝2個小小的9月之星生日快樂~~

望住小朋友純真0既笑容, 我都會覺得好快樂~~

謝謝我的中同@L'TEA ROOM

當離開了校園...踏進社會..

你會開始認識這個世界, 認識更多的人和事...

然後, 以前的同學會漸漸越走越遠... 什至連名字也不再記得...

但如果有一些人,

經歷過一些時間, 轉變..

仍然在你身邊的... 我會好好珍惜...

謝謝你們, 中學時候, 你們在課室裏跟我慶祝生日..

今天, 你們仍然在我身邊..還在陪我過生日...

其實, 原本今日約好係去咖啡弄架..

我都好期待, 因為至今我仲未去過..

點知, 今日去到, 仍然係超多人...

所以... 我地要另覓地方...

BOM 話0岩0岩經過一個食TEA 0既地方幾靚..

我地就WALK IN 去睇下有冇位LA

一開門, 好PINK, 好少女, 好LADY, 好靚AR~~

L'TEA ROOM

OPENRICE LINK FOR YR REF.

0係失望之中, 又開心番喇~~~

其實0個到都FULL FULL 地,

咁0岩得番一張4人枱, 我地照坐喇....

裏面0既野全部都係粉紅色..

側邊0既女生全部都著得好靚咁自拍...

0係0個個時候, 覺得"青春"又離我遠一點..HAHAH

CAFE 裏面地方唔算大..

但有影相區..

花花花..PINK PINK PINK

我成日覺得HIGH TEA, 一定要配花茶GA..

一邊嘆茶, 一邊同姊妹傾計..

快樂是也!!!

好靚0既杯~~

依到其實冇野揀GA..

只可以揀依個TEA SET..

每人一定要一個SET..

一端上台...你會心心眼0既TEA SET..

的確, 未知食唔食得都睇得, 同影得AR..HHAHAh

我覺得依到真係好0岩幾個姊妹一齊黎ENJOY 一個下午..

食物都唔錯...

成個組合再加埋同好姊妹共渡一個快樂下午, 實屬無價 : )

牽著小蝸牛上學第11天@15/09/2016中秋節

今日係中秋節, 不過冇得放早, 依然係要牽著小蝸牛上學..

不過今日唔同0既, 就係BABA 放早,

一齊去接放學, 比峻峻一個大SUPRISE...

見倒BABA MAMA 一齊接佢就最開心喇...

小朋友就係最簡單,

最需要0既或者唔係咩物質..

而係父母0既陪伴和愛

中秋節的晚上, 帶著比卡超穿過摩士...

就比你放肆一下吧....

第6年0既中秋節, 峻峻今年揀左比卡超做佢0既燈籠..

掂倒八月十五0既月光喇~~

食完飯, 循例地去公園走走...

今年響應呼籲, 禁螢光棒.. 點了幾支蠟燭..

周圍0既人都在比卡超...

每一年中秋節..

我都會記起, 有一年中秋節..

BABA 放工回來, 同我&妹妹講

"老闆今日封左$500 利是比我AR, 我同你地去食扒王之王丫"

到今日, 我依然好記得, 這一頓幸福0既中秋節晚飯.

也是我們和BABA 最後一次的中秋節晚飯..

每逢佳節, 讓我更加掛念你~~~

比卡超也賞月~~

2016年9月22日星期四

牽著小蝸牛上學第10天@14/09/2016

由幼稚園上小學真係一個好大0既轉捩點..

由只懂玩樂0既一舊飯, 變成.... 兩舊飯...

以前幼稚園, 只係帶住玩樂0既心情..

有午睡, 茶點, 睇書, 玩同玩, 仲有電影作結尾..

今日上到小學, 好多時, 都係坐0係自己個位上..

專心上堂同專心上堂...

好好彩, 峻峻適應力強..

我記得..以前0既我好內向.. 好怕一個人, 所以, 其實初初未識倒朋友0既我,

好怕小息, 因為我唔知道可以做咩..

今日, 我問峻峻, 小息做咩...

佢話, 周圍行下, 散下步, 跳下飛機咁LOR..

MAMA: 咁係咪好悶GA?

峻峻: 唔係AR, 好開心GA...~~

每一日峻峻放學番黎,

我就打開佢本手冊, 玩猜猜畫畫...

因為估佢寫咩, 真係要花一點時間..

我發覺得, 好多小一生, 其實寫手冊都唔知自己寫咩GA..

見倒老師寫咩, 佢地就盲目地抄....

雖然有時會幾抆, 但這是屬於你可愛0既階段~~ : )

牽著小蝸牛上學第9天+同契妹慶祝生日@13/09/2016

今日, 接左小蝸牛放學冇即刻番屋企..

因為我地約左契MA契妹一齊慶祝生日..

契妹DIMDIM 係831 生日GA.. 峻峻就0901,

只係差一日....

所以...年年都可以一齊慶祝~~ : )

話說佢地都要番學, 左夾右夾終於夾左個放學時間..

去左又一城0既SIPMLYLIFE..

係AR, 特登想註明依間野,, 可能臨近休息時間LA..

因為佢地只可以食到5點...

而D STAFF 0個個時間都開始食飯...

0個日, 坐落去, 基本上冇咩人SERVICE 你..

又扮見唔倒你AR... 態度又唔好...

突然對佢地好失望..

不過短短0既時間..

同好友見個面, 傾下近況..

慶祝我地4個0既生日....

都係好開心~~ : )

多謝契MA 送比峻峻0既禮物

牽著小蝸牛上學第8天@12/09/2016

又一個星期一了...

感謝天父, 讓我可以牽著你走這段路..

迎接一個新0既路程..

感謝天父,

這樣有陽光, 有落花...

有你和我牽手的影子 ..

第8天上學,

我和峻峻0既生活模式都開始穩定, 也上了軌道..

全職MAMA 對小朋友黎講, 的確係一個好大0既幫肋..

可以穩定佢地0既生活節奏..

可以.. 好好去PICK UP佢地0既學業, 功課...

可以好好去整理一個舒適0既居所..

可以全心全意去愛你~~ : )

2016年9月21日星期三

謝謝小寶貝的PANDORA + 謝謝灰熊EE文達叔叔生日飯@11/09/2016

0係峻峻出世冇幾耐,

我買了一條PANDORA,

第一粒CHARM 係一個小男孩, 亦就係我0既小寶貝..

每天都帶住的..

所以, 峻峻都認識倒依D 一粒粒..

好早之前, 佢已經話, 到我生日時, 會送粒粒比我...

到今年0既生日..

峻峻已經成日提住話去買比我...

有晚, 我地仲一齊睇WEBSITE,

一齊揀左一粒大家都鐘意, CAP左一張相。。。

結果到左今日, 我地經過依間SHOP..

峻峻就話:"我要買粒粒比MAMA AR"..

佢同我地講: 我自己入去得架喇... 你唔駛入去..

其實, 平時佢有D怕醜GA..

不過今日真係FEEL 倒佢好勇, 拎住一個熊本熊散子包就闖左入人地間SHOP..

亦好好彩, 今日間SHOP 冇咩人, 所以SALES 姐姐好好招呼佢...

好快好快咁.. 好滿足地拎住個紙袋走左出黎~~

峻峻送比我0既, 就係第3粒"BEST MUM"..

我真係好好好鐘意...也覺得好感動...

感動不在於係咩牌子, 或者咩價值..

而係我覺得峻峻其實只不過係6歲..

但佢好早好早之前, 已經將我放0係一個好掌心0既位置..

有好多時, 都覺得, 佢哄我, 似一個男朋友, 多過似一個兒子 (唔計激我0個時)..

佢會做好多野想令我開心, 為我一笑...

佢曾經0係我笑0既時候, 同我講"MAMA.. 我好鐘意你笑0既依個樣ar"

從此.. 我會覺得有多難捱0既路也要為你笑下去~~

謝謝你, 我的小寶貝..

謝謝你成為我人生最重要0既CHARM,

這是峻峻入去買粒粒後, SALES 姐姐要佢簽名..

MAMA 覺得.. 依個背影.. 好MAN... HAHAHHA

好多人都問, 點解峻峻有錢0既..

其實係, K3時, 我地放學回家0既路途, 可以揀搭小巴, 或者行AROUND 15分鐘0既路程,

我同峻講, 如果行路, 我就會將小巴錢比佢儲起..

就係咁, 儲了一些血汗錢..

晚上, 我地到左灰熊EE 同文達叔叔家慶祝生日...

今日, 又係綠茶蛋糕..

謝謝好友知我們是綠茶控, 就算自己不喜歡,

也送上一個綠茶蛋糕給我們..

謝謝你, 峻峻話, 好綠茶, 好好味~~

也謝謝你們, 預備了一餐海鮮晚飯, 有蟹, 有峻峻最愛0既雞翼和魚...

我真心覺得.. 會為你煮飯0既朋友, 係真朋友... : )

還有可愛0既比比... 謝謝你們~~~

ALVIN+HIL MAMA B DAY DINNER@Ufufu

有人話.. 0係工作地方冇可能認識倒真正0既朋友..

依句說話, 年紀越大, 體會越深...

0係職場上, 你會發現, 就算你不犯人, 都總會有人犯你..

你會發現, 每天上班前, 憂慮的不是天氣, 而是難測的人心..

可以忘了帶雨傘, 但不可以忘了帶盾牌..

這晚, 我的舊同事跟我慶祝生日..

很感謝你們, 雖然我們已經離開舊公司將近十年...

但... 你們仍然在我身邊, 說真的.. 很感謝你們..

這公司是我做過最開心..

同事是最真的... 很懷念這些日子...

今日, mandy 契姐姐幫我地揀左依間..

Ufufu Cafe <-- OPENRICE LINK FOR YOUR REF.

事緣今日我地咁多人都好肚餓..

野食一到, 就被極速KO..所以, 所有主食都冇影相....

我同峻去完洗手間,

一出黎就見倒係個生日甜品喇...

話說我同峻峻都係綠茶控..

MANDY 契姐姐就準備左佢比我地..

這一杯裏面有粟子, 水果, 百力滋, 少量小丸子, 十幾球雪糕

真心很喜歡, 謝謝你

好大杯AR, 望倒會好開心0既生日甜品~~

[這個生日甜品, 要預早同餐廳ORDER 的]

從6年前開始...

ALVIN + HILDY 總會在生日牌上一起出現, HAHHA

2016年9月20日星期二

牽著小蝸牛上學第7天@MAMA生日09/09/2016

以前, 覺得一年一次0既生日好重要..

好怕冇人記得自己, 好怕冇人同自己過生日..

當年紀開始大..

其實慢慢怕過生日..

因為每吹一次蠟燭, 又再表示你老一歲了...

今日, 正日生日, 如常的牽著小蝸牛上學..

我只係想, 讓我多一點時間牽著你, 陪著你走更多的路就好了..

08.16.2016@pillow talk
峻峻：mama..你知唔知我大個想做咩呀？
mama: 想做我男朋友lor
峻峻：我講番工嗰啲呀
mama: um..警察...
峻峻：唔係呀，我想做醫生呀..
峻峻：你知唔知點解我想做醫生呀？
mama: 唔知呀，點解呀？
峻峻：因為我想做一種藥
mama: 咩藥呀？
峻峻：我想做一隻不老藥比你同baba

mama 其實都好想世界有依種藥呀