牽著小蝸牛上學第4天@06/09/2016

今日小蝸牛第一次著上運動衫,

準備迎接佢最期待0既體育堂~~~

 

不過聽聞當日, 係冇咩玩, 只係度高磅重..

好快架喇.. 峻峻... 好快就好好玩架喇..

 

開始, 會有人問我... FTM 生活習慣嘛..

UM... 只不過係短短幾天, 離開了工作單位..

每日, 拉著小蝸牛番學放學..

0係屋企.. 執拾一下, 幾個鐘, 其實, 很快就過...

 

FTM 0既世界有樣唔同係...

唔需要面對難測0既人心,

唔需要你猜我度..

唔需要每一步都三思而後行..

因為佢個世界, 佢最大0既BOSS 就係佢0既小蝸牛...

的而且確, 感覺很舒服... : )

 

 

 

還是適應期0既下午, 沒功課, 沒溫書..

要用功努力的日子還有很多..

就讓我們放鬆一下, 砌一個LEGO 就好了..

 

以下怪物就係峻峻0係之前LEGO 賽車工作坊, 勝出0既禮物~~

 

 

[激心語錄]

峻峻望住我隻阿愁, 心情地問: MAMA, 點解你鐘意阿愁0既..

MAMA: 我鐘意佢唔開心..

峻峻: 點解你鐘意佢唔開心AR?

MAMA: 因為我自己都係唔開心..

峻峻: 你都唔係..

(正當我想講, 平時比你激到好愁之際.....................)

峻峻: 我覺得你似阿燥AR!!!

 

MAMA............................. 即時變燥!!